GLEÐILEGT NÝTT ÁR OG TAKK FYRIR ÞAÐ GAMLA!
Dagurinn í dag virðist vera klassískt dæmi um að ég hafi ekki átt að fara á fætur fyrir hádegi; Ég vakna kl hálftíu af því ég þurfti nauðsynlega að ljúka hlutum af fyrir morgundaginn, versla og annað slíkt þar sem ég er að vinna í kvöld og í fyrramálið. Fæ mér hafragraut sem varð að e-u tyggjói áður en ég labba út í strætóskýli og tek strætó upp í Kringlu. Þar þurfti ég að fara á þrjá staði: Hagkaup, Ríkið og svo heimsókn til skósmiðsins. Ríkið var svosum ekkert svo slæmur staður, þó svo að það sé nettur pirringur yfir að vera beðin um skilríki í hvert einasta skipti og sérstaklega þegar maður borgar alltaf með korti hvorteðer. En þetta er bara vinna þeirra sem ég skil fullvel. OK, Hagkaup var svona la-la og eiginlega ekkert af því til sem mig vantaði og ég varð að slá fullmikið af kröfunum að mínu mati. Svo komum við að aðalbömmernum! Ég fer yfirleitt til skósmiðsins í Kringlunni, Þráins skóara, af því þetta er sá skósmiður sem er næstur mér, ekki af því þjónustan eða gæðin eru svo mikil. Rétt fyrir miðjan desember fer ég með rauðu álfaskóna mína til hans til þess að setja nýja hæla á greyin. Fíflið í afgreiðslunni spyr mig með þjósti hvort það sé það eina sem ég vilji láta gera, ég spyr þá "fagmanninn" svokallaða hvort það þurfi að gera e-ð meira og fæ tilbaka að sólarnir séu búnir líka. Ég bið þá um að setja nýja sóla líka og fæ miða um að sækja skóna 12. des. OK, ég kom ekki 12.des heldur í dag, 30.des. í sakleysi mínu og held að ég fái loksins skóna mína. Ég framvísa miðanum en þá finnur fíflið ekki skóna og svo eftir mikið rót og grams sér hann þá og vúbbs! Það er ekki búið að gera við þá!!!!!!!!!!!!! Já, þeir fóru víst framúr áætluðum kostnaði svo hann ákvað að gera ekki við þá fyrr en að ráðfæra sig við mig fyrst! Halló! ég bað um þjónustu og ég fékk ekkert áætlað verð! Hvernig í ósköpunum átti ég að tapa mér yfir að greiða fyrir þjónustuna sem ég pantaði fyrir hálfum mánuði síðan!!!! Og þ.e. ekki eins og kostnaðurinn hafi verið himinhár, þetta var innan við fimmþúsundkall og ég bjóst svo sannarlega ekki við að endursólun á skóm kosti minna! Og fíflið sá ekki sóma sinn í að biðjast afsökunar né bjóða mér afslátt né kurteisi eftir þetta heldur leit á mig kvikindislegum augum og fannst hann vera gera mér rosalegan greiða með því að segjast geta gert þetta fyrir morgundaginn. Ég bað hann vel að lifa, ég kæmist ekki til hans í dag né á morgun svo hann gæti bara vandað sig betur á nýja árinu því ég myndi sækja skóna þá! Eftirá séð þá hefði ég átt að hrifsa skóna, þakka honum kærlega fyrir að geyma þá fyrir mig og tilkynna hverjum sem heyra vildi að hingað kæmi ég ekki aftur. En nei, í bræði minni gat ég ekki hugsað annað en að komast sem lengst frá manninum sem heldur uppáhaldsskónum mínum í gíslingu! Og það fyndna í þessu er, að þetta er ekki í fyrsta skiptið sem fíflið klúðrar mínum málum svona. Fyrr í vetur lét ég endursóla aðra skó en þegar ég kem að sækja þá var bara búið að skipta um hælinn, ég kurteisin uppmáluð lét bjóða mér að bíða lengur þar til verkinu var lokið og borgaði fullt verð! Ekki í þetta skipti, það verður afsláttur eða lífið! Já, fífl ársins er hér með tilkynnt: Þráinn skóari í Kringlunni, ekki gera svona mönnum það til geðs að snúa viðskiptum ykkar til þessa fyrirtækis.
p.s. það virðist vera e-t allsherjar samsæri í gangi að reyna troða Justin Timberlake á allar stöðvar, þetta er allavega orðið þannig að ég skipti ekki á punktinum yfir á e-ð annað þegar myndband/lag með honum byrjar og viðlögin 'won't you be my girlfriend' & 'cry me a river' berjast um yfirráðin í heilanum á mér! Það er ekki eðlilegt að söngla þetta á meðan beðið er eftir grænu ljósi :s
Í dag vaknaði ég kl 16:00, já klukkan fjögur vaknaði ég í dag!!! Dreymdi þessa venjulegu vitleysu sem mig dreymir alltaf annaðslagið nema nú var svona Survivor þema yfir þessu öllu. Langaði svo til þess að benda á tvær síður; Þessa titlaði Þórir 'hallærislegustu heimasíðu veraldarvefsins' en ég verð að vera ósammála, þetta er fyndnasta síða sem ég hef séð lengi! Glataða blikkið, dósahljóðið í undirspilinu plús dagsetningin 'síðast uppfært' er snilld!! Eitt af þessum stöðugu 'áramóta'-heitum er einmitt að fara á diskókvöld Margeirs þetta og hitt árið en ég kemst samt aldrei. Hin síðan er síðans hans Halls sem mér finnst algjör snilld! Nú vantar bara að áferðin á hvíta litnum sé svona eins og á þunnu servíettunum sem maður fær á lélegum skyndibitastöðum og lúkkið yrði fullkomið!
Annars er ég voða upptekin þessa dagana við að mæta í misskemmtileg jólaboð og við lestur bóka. Fyrsta jólabókin sem lesin var heitir Quentins og er eftir Maeve Binchy (höfund Circle of Friends). Fyrr bækur hennar hafa verið pjúra snilld en þessi bók kemst því miður ekki í þann flokk. Þetta eru svona margar minni sögur fléttaðar í eina stóra og hún hefði betur sleppt þessum minni, sem margar hafa nú þegar verið birtar í öðrum sögum btw., og haft þessa stóru sem bókina. En næsta bók er hluti af samkomulagi okkar Þóris, Hringadróttinssaga. Með henni er ég líka að lesa mjög góða bók [allavega, við fyrstu sýn] "Three Black Skirts" sem er svona nokkurs konar sjálfhjálparbók fyrir nútímakonur nema hvað hún er skemmtilega uppsett og er með nettan húmor fyrir sjálfri sér.
Næst á dagskrá er að fara með litla frænda minn út á vídjóleigu og taka spólu, þetta var samkomulag dagsins og bjargaði amk einni fílu.
1.What was your biggest accomplishment this year?
hmm. nú veit ég eiginlega ekki, finnst ég engu hafa áorkað á árinu.
2. What was your biggest disappointment?
hmm. [ritskoðað]
3. Will you be making any New Year's resolutions?
nei, varla. Ég er alltaf að setja mér e-r reglur og strengja e-r heit sem ég svík jafnóðum. Mjög tilgangslaust að einskorða þetta við áramótin að mínu mati ;)
4. Where will you be at midnight? Do you wish you could be somewhere else?
Ég verð heima hjá mér eins og alltaf, síðan byrjar afmælisveislan mín eftir klukkan eitt og ég býst við að sjá sem flesta af mínum vinum þar!
5. Aside from (possibly) staying up late, do you have any other New Year's traditions?
ég veit ekki. Matur, skaupið, flugeldar og svona bara almenn merriment plús nýárskveðjur og afmælisóskir. Ósköp venjulegt allt saman.
Þá eru jólin komin og farin eiginlega líka. Aðfangadagur var svona nokkurn veginn hefðbundinn, fyrir utan að ég fór að vinna fyrir hádegi og að við vorum eiginlega bara þrjú um kvöldið, ég og foreldrar mínir. Maturinn var æðislegur!!! Hamborgarahryggur sem mamma fékk í jólagjöf frá vinnunni sinni, brúnaðar kartöflur og þetta hefðbundna meðlæti. Við vorum svo södd að við gátum ekki hugsað okkur að fá okkur eftirrétt! Svo brugðum við aðeins út af vananum og tókum upp jólakortin strax eftir matinn, ég komst loksins á blað með fimmtán stykki :) Eftir þetta var farið að dóla sér í pökkunum, ég fékk 3 bækur af jólagjafalistanum, diskana úr IKEA og svo hitt og þetta smádóterí sem tekur of langan tíma að telja upp. Um kvöldið var ég orðin svo þreytt að ég gat ekki einu sinni tekið utan af bókunum og datt út af. Jóladagur fór í dund, horfandi á sjónvarp, lesandi bækur og borðandi hangikjöt. Í dag er svo "fjölskyldudagurinn" mikli; jólaboð hjá ömmu. Vei. Ég ræð mér ekki fyrir kæti.
Jæja, Þorláksmessan komin en eitthvað lætur jólaskapið bíða eftir sér. Kannski af því herbergið mitt er eins og vígvöllur, bækur, glósur og drasl út um allt! Þórir og Óli frömdu náttla e-n þann hrikalegasta gestaglæp ever í gær, droppuðu bara í heimsókn án þess að hringja á undan sér! Svona lagað er hrikalegt, enginn tími til þess að láta a.m.k. líta út fyrir að maður sé ofboðslega húslegur! Þess vegna fengu þeir bara að hanga á ganginum.
Hildur beib komin í stutta heimsókn yfir jólin ásamt sínum danska Anders, spurning um að skella sér í heimsókn bráðum? Oh jæja, best að fara loka bara bráðum, skella sér svo í bæinn og skutla út nokkrum pökkum og svoleiðis, annars bara gleðileg jól allesammen!
What swear word are you?
brought to you by Quizilla
þá er þessu loksins lokið! Engir ógeðslegir bakverkir og engin sumarpróf [vonandi], bara eintóm gleði og jólafílingur án sektarkenndar :) Var að leggja lokahönd á síðustu ritgerð annarinnar og kláraði Shakespeare í morgun! OK ég svaf ekkert sértaklega mikið en þegar ég lagði mig í 2 tíma dreymdi mig þvílíkt rugl að það var ekki fyndið! Samhengislaus runa af atburðum eins og að systir mín réðist á mig með skærum og klippti mig a la Vala Flosa, klósettið stíflaðist (nánari lýsinga ekki þörf, þetta var ógeðslegt!) og Merry úr LOTR var alltaf að sniglast í kringum mig :s Ég rétt rankaði við mér um hálfníu, rauk á fætur og klæddi mig í allt bleikt sem ég á fyrir utan sloppinn minn og þaut í skólann. Ég er ekki frá því að þetta ritjúal mitt hafi hjálpað eitthvað, allavega gekk mér bara ágætlega [segi þetta ennþá, þar til einkunnin kemur] og það var ekki neitt sem ég var alveg lost í. Ég kláraði svo restina af ritgerðinni áðan og sendi hana af stað. Held að þetta sé ágætis vitleysa, voðalega háfleygt á köflum en ég reyndar tapaði mér aðeins í internet pælingum í lokin, but who cares aye? Fílan scmílan. Og hvað gerir maður svo þegar öll próf og ritgerðir eru búin? Skellir BeeGees á fóninn, krankar vel upp í Saturday Night Fever og tekur nokkur vel valin Travolta spor! Já, svo fer maður á djammið með enskunni í kvöld ;)
próf
Ok, aðeins 6 klst í síðasta prófið! Hvað á maður svo að gera þá? lesa? horfa á sjónvarpið? kíkja í bæinn? Who knows? Better still, who cares?
OK, ég er búin að vera lesa Shakespeare undanfarna daga og hreintútsagt komin með ógeð! (fyrir utan Rómeó og Júlíu reyndar, æðislegt leikrit) Held að kokkteillinn Kenneth Branagh + Shakespeare sé eina lausnin á þessu, en ég ætla mér ekki að koma nálægt Shakespeare í langan tíma! En þ.e. víst kominn tími á meiri Shakespeare, ullabjakk!
mjög freaky saga [via Kristiv]
Jæja, í dag var farið á LOTR 2! Við Birgitta byrjuðum á að horfa á fyrstu myndina extended version áður en við brunuðum upp í musteri illskunnar, Smáralind, til að bíða í meiri biðröð. Myndin var fín, náttla allt öðruvísi en fyrsta myndin og tekur lengri tíma að melt'ana. Pippin er náttla alltaf jafn mikil dúlla og alltaf, sennilega sá karakter sem ég sé sjálfa mig mest í því hann er svo seinheppinn!!! [editerað fyrir Ágúst]. Legolas kemur sterkur inn, basically issues the era of Orlando Bloom (Matt Damon who?) með geeeðveikum töktum! Sheeesh!
Who is your Ideal Lord of the Rings (male) Mate?
brought to you by Quizilla
Has a tattoo of 9 in Elvish (all the members of the Fellowship in the movie LOTR: Fellowship of the Rings have one in a different place)...soldið fyndið að velta fyrir sér hvernig Elvis-ka liti út/hljómaði ;)
ekki slæmt
Hver segir svo að internetið sé ekki heilagur sannleikur?????
Which guy are you destined to have sex with?
brought to you by Quizilla
hvar er gleðibankinn???
Mér finnst sárlega vanta eitt lag inn á þennan lista og það er Gleðibankinn með Icy ;) Þar sem þetta lag er 80s lagIÐ í mínum huga er stundum erfitt að átta sig á að útlendingar hafa ekki hugmynd um hvað ég er að tala þegar lofræðan um Gleðibankann byrjar! Þegar maður er í rútu, talandi bjagaða-áfengis-ensku við útlending um framlag Íslendinga í Eurovision '86 og áttar sig skyndilega á að maður er eins og kallarnir í Thule auglýsingunum :s "jú nó Gleðibankinn? ðe greitest song ov ðe eidís? ó mæ frend, in næntíneidísiks Helga Möller, Eiríkur Hauksson end Pálmi Gunnarsson sang ðe heppí bank in Björgvin Norvei..."
Ég held ég sé alvarlega farin að vera of mikið í tölvunni! Stundum þegar ég er að leita að e-u ákveðnu í bók (skólabók yfirleitt) þá hugsa ég eitt andartak ctrl+f áður en ég fatta að ég þarf virkilega að fletta bókinni sjálf! En ég held að ég þurfi að fara ganga með diktafóninn á mér dagsdaglega þar sem ég fæ oft e-r hugmyndir svona á röltinu en er svo búin að gleyma þeim á nóinu. Áðan kom svo einn "góðkunningi" hingað í vinnuna og ég fæ alltaf svona samviskukast þegar ég sé hann. Greyið er e-ð svo brjóstumkennanlegt en jafnframt alveg rosalega scary. Svo er þetta gamla góða spurningin 'á ég að heilsa eða ekki heilsa?' Ég heilsaði í dag af því hann heilsaði.[hérna var lengri kafli en svo áttaði ég mig á stærð þjóðfélagsins og í framhaldi af því stærð íslenska netsamfélagsins og hætti snarlega við að birta þetta allt.] En svo er þetta líka svona karakter sem gerir þessa blessuðu tilveru svona skemmtilega, þ.e. ekkert að gaman að Jóni og Gunnu svona hversdags. Það er eiginlega ekki fyrr en þau t.d. dett'íða og fara að skandalast (eða e-ð svoleiðis) sem þau verða áhugaverð. Sápuóperulífið sko. Og svona í tilefni af sunnudeginum þá er ég að lesa bókina hennar Beturokk og so far so good. Þetta er allavega betri bók heldur en Dís sem var hræðileg! Og af e-m ástæðum á ég TVÖ stykki af henni!
svefn
Eftir annasaman dag í gær fór ég bara nokkuð snemma að sofa, fannst mér allavega en það kom samt ekki í veg fyrir að ég dottaði í smá stund hérna í vinnunni! Var að gera aukaverkefnið í bókmenntafræðinni og svo fór hausinn bara smám saman að nálgast borðið meir og meir og ég sofnaði! Það getur nú samt ekki hafa verið lengi, það vona ég allavega. Þetta minnir mig bara á þegar vinkona mín sofnaði í samræmdu prófunum, svaf í hálftíma í íslenskuprófinu minnir mig. En gærdagurinn var nokkuð bissí, fór í vinnuna extra snemma af því yfirmaðurinn var búin að biðja mig um það en svo virtist hún hafa gleymt því og beðið aðra að koma snemma líka! Við Freydís vorum því tvær í að græja safnið fyrir opnun. Ég fór svo strax í eins árs afmælið hjá Daníel Mána hennar Robyn þar sem við eyðilögðum Sex&the City fyrir restinni af boðsgestum ásamt því að skoða Halloween myndir af sjálfum okkur í gríð og erg! Mamma hringdi svo og vildi vita hvort ég hefði áhuga á að fara með henni og pabba á Basta Pasta um kvöldið sem ég að sjálfsögðu þáði!
Þrátt fyrir gríðarlegan dugnað&metnað varðandi jólaundirbúning og mikið labb um Laugaveg/Skólavörðustíg er e-r doði yfir mér þessa dagana. Kannski bara doði haustmisserisins að ná hámarki sínu núna í árslok, hver veit? En ég kláraði svona nánast jólagjafainnkaupin í gær, aðeins smotterí eftir og svo náttla að pakka þessu öllu inn. Jólakortin voru send af stað í gær, aðeins eftir að finna einstaka heimilisfang á stöku korti. Svo fór ég reyndar á Harry Potter aftur í gær með pabba og þvílík pjúra snilld sem þessi mynd er! Varð virkilega að hemja sjálfa mig í að seilast ekki í bækurnar og byrja að lesa einu sinni enn þegar ég kom heim! En í gær kom líka stærstur hluti Amazon pöntunarinnar, bæði rölti ég á pósthúsi eftir því sem kom um daginn þegar enginn var heima og svo skutlaðist pósturinn með afganginn heim. Nema að sjálfsögðu vantar eina jólagjöfina!!! Hún verður að koma fyrir jól! Í pakkanum voru ýmsar jólagjafir ásamt svona impulse-buying handa mér ;) The Bombshell Manual of Style bara út af nafninu! Three Black Skirts út af snilldarforsíðu! London: A Social History þarf e-ð að skýra það? My East End út af gríðarlegum áhuga mínum á The East End :) Og svo já, allskonar kiljur og dót sem engin þörf er á að telja upp.
Svo er allt að verða vitlaust í uppáhalds þættinum mínu, Eastenders! OK Mel & Steve Owen voru most definetly par aldarinnar með öllu því veseni og fíaskóum sem því fylgdi en dr.Anthony&Kat eru eiginlega orðin í meiri uppáhaldi hjá mér núna, enda doktorinn enginn smá hönk (sjá jólagjafalista ;)
Eftir vægast sagt lélega einkunn í bókmenntafræði ásamt e-meilum við kennara ákvað ég að skella mér bara í bæinn og fá mér nettan skammt af jólafíling. Það er eitthvað við Skólavörðustíginn sem er svo rosalega jólalegt að ég gæti jafnvel hugsað mér að búa þar stóran hluta af desember. Í gær byrjaði ég á jólakortunum mínum og eftir dágóðar vangaveltur ákvað ég að kaupa rauð&svört karton en svona eftir á séð þá sé ég rosalega eftir því að hafa ekki keypt þessi bleiku! Borðið mitt (...ásamt hluta af gólfinu reyndar líka) er því allt út í klipperíi því nokkrar prótótýpur voru gerðar.
Á labbinu í dag voru jólagjafirnar svona nokkurn veginn kláraðar, á bara eftir að kaupa svona smotterí með til að klára pakkana. Já og svo keypti ég líka það sem upp á vantaði af jóladressinu, svona sætan topp með með útsaumi og eitthvað rautt í hárið á mér :) Ég skil eiginlega ekkert í mér að vera búin að öllu svona snemma! Þetta hefur ekki gerst í mörg mörg ár, yfirleitt er ég að þessu fram á Þorláksmessu en þar sem ég verð að vinna þá gengur ekki upp að eiga allt eftir þá. Svo til að kóróna jólarúntinn kíkti ég inn á Grænan Kost og borðaði síðdegis/kvöldmatinn þar áður en ég þaut hingað upp í Verzló að vinna. Og já, sömu skilaboð til þeirra sem eru að læra hér og á sunnudag: don't ask me, i really, really don't care!
ok þið sem eruð í prófum hérna í Verzló: ég veit ekkert um prófin, hvorki hvað á að lesa fyrir þau né kl hvað eða hvar þau eru, tölvustofur eru ekki mitt mál né prentkvótar, ég er ekki kennari né húsvörður, það þýðir ekkert að skammast í mér yfir ósanngirni kennara eða heimsins, mér er nokk sama. Ég er sjálf að fara í próf og það er um það bil það eina sem ég hef áhyggjur af. Gangi ykkur vel.
sunnudagurinn
æ hvað það var ógurlega erfitt að vakna í morgun, erfiðara heldur en oft áður meira að segja! Það var óþarflega dimmt og kalt inni hjá mér og nákv. ekkert sem dró mig frammúr! En ég er allavega komin í vinnuna þar sem ég glósa bókmenntafræðina af miklum móð. Strategían er sú að í staðinn fyrir hvern kafla í bókmenntafræðinni fæ ég einn kafla í bókinni hans Jóns Baldvins. Sjáum til hvernig gengur :)
Í gær átti að læra en í staðinn skrapp ég í IKEA með Birgittu í von um að finna e-r jólagjafir en allt kom fyrir ekki, engar gjafir þar að finna. Svo til að bæta gráu ofan á svart fékk ég póst frá Amazon.co.uk um að nokkrir hlutir úr sendingunni væru ekki til á lager og frestuðust því um e-r vikur! Og að sjálfsögu voru þetta ALLT jólagjafir sem frestuðust!!!! Arg. En ég horfði á þáttinn um Nýdönsk í gær og þvílík snilldarhljómsveit, ég sannfærist alltaf meir og meir um snilli þessara drengja með hverju árinu sem líður. Á eftir því kom Popppunktur þar sem Ham vann Í svörtum fötum :( Eftir að hafa farið á Fríkballið í 5.bekk þar sem þeir spiluðu er ég forfallinn aðdáandi þessarar hljómsveitar sem 'performera' en ekki sem tónlistarmanna. Svo eru þeir líka skemmtilegra sjónvarpsefni heldur en félagarnir í Ham sem voru fyndnir í fyrsta þættinum en þetta 'i-don't-give-a-flying-fuck-attitude' er orðið þreytt og alls ekki fyndið lengur. En þetta er alveg ótrúlega skemmtilegur þáttur fyrir svona nörd eins og mig. Og núna er það Jón Baldvin...
Which Goddess Owns You?
brought to you by Quizilla
OK, nú er prófatíð og ég sit í sakleysi mínu heima fyrir framan tölvuna að "læra." Dyrabjallan hringir, "hmm, hver ætli þetta sé? já, örugglega systir mín" hugsar saklausi háskólaneminn og röltir niður til að opna. Fyrir utan stendur gegndrepa blaðberi (ekki póstur, því engan gulan lit hvað þá rauðan var að sjá!) og hendir í mig rennandi blautum sneplum, auglýsingasneplum. Í sömu andrá skyrpir hún út úr sér: "þetta er alveg ómöguleg lúga hjá þér! Þú verður að gera eitthvað í þessu ef þú vilt ekki fá rennandi blautan fjölpóst!!!!!" Þessari skammarræðu fylgdi afskaplega ófrýnilegur svipur og svo kom e-ð meira sem ég náði bara því miður ekki sökum þess hve óundirbúin ég var þessari "árás" blaðberans. Nú hef ég enga samúð með þessu fólki lengur, lúgan hefur þjónað sínum tilgangi í 59 ár og alltaf hefur pósturinn skilað sér. Bykkjan hefði vafalaust ekki látið svona hefði faðir minn komið til dyranna með sitt flugræningjaútlit! Arg! [OK þið sem hafið séð You've got mail oftar en góðu hófi gegnir skiljið hvað ég meina] Af hverju í andskotanum get ég ekki úthúðað svona fólki eins og það á skilið akkúrat þegar hlutirnir eru að gerast? Núna man ég eftir óteljandi setningum sem ég hefði getað hreytt út úr mér! Ég kenni uppeldinu um, ég var bara alltof vel alin upp punktur! Já og beiglunni á Deiglunni (Kreml rímar ekki sko ;) bendi ég á að hvorki blogg né veruleikasjónvarp hefur svo mikil áhrif á hennar daglega líf að það geti hugsanlega mögulega pirrað hana. Ekki er ég að agnúast út í hluti sem hafa engin áhrif á mitt smáborgaralíf eins og skytterí eða sumarbústaðaeign. Alveg er mér slétt sama þó engar rjúpur séu að fá fyrir jólin eða þá að þorri landsmanna hlaupi upp um allar sveitir um helgar í leit að "ró og næði." Já og þetta er bein afleiðing frá helv. bykkjunni sem henti í mig blautum fjölpóstinum sem ég vildi aldrei fá, hún réðst á saklausu mig og ég slæ frá mér á aðila sem ekki eiga það skilið. Ain't life a bitch?
Dagurinn var afskaplega 'afkastamikill' , skrapp í búðir með mömmu og keypti dót á baðherbergið/þvottahúsið niðri hjá mér ásamt jólagjöfum, jólapokum, jólaskrauti og e-u fleira. Um kvöldið kíktum við feðginin svo á Bond, James Bond í Laugarásbíó þar sem við hittum einmitt Völu&Orra og Birgittu&pabba hennar. Ágætis mynd en léleg Bond mynd engu að síður. Of mikið af sprengingum og látum, of þunnur söguþráður.
Ég verð að vera sammála Ástu um að djammið á föstudag hafi verið frábært! Og takk fyrir að rifja upp fyrir mér nafnið á pípu hottíinu :)
- Albert Schweitzer |
sykurmolarnir.com
toyboys better in bed?
orkneyjar.com
scottish blogs
ipod lounge
eat and drink and be married
...
male librarian
beeep.net
minderella
mike's place - lovely
i hate your taste in music
mash
ok ok
irish girl abraod
tokyo shoes
wnp?'s blogroll
barrettchase.com
modern drunkard magazine
áróðursplaköt
eccentric london
100% onomatopoeic language
japanese onomatopoeia
jasmine aurora
london free list
gusset
thorir.com
melbourneblogs
paperbackwriter
franki & jonny alan clarke
a stain on the country is worse than a stain on a blue dress
þeir lugu en það er engin afsökun
lucky stars
house of wigs
soviet invasion plan
20 questions
what's your bag baby?
retail junky
are you going to heaven?
voodoo
what's new pussycat?
is it love?
scary ass clowns!
ouija-boards
s-g i can get on board with!
reusablog
mef
sketchbook
ei-ei-o
digital serendipity
summer ideas
national bbq day
how to: jamaican party
sew wrong
silke 6
not martha
what mother's son
knitty.com
drunken ferry boat woman
fishtanked
thistothat
hello, my name is scott
the british museum compass
official mah-jong rules
anne...straight from the hip
lomography
young reykjavik
the osbournes
nicola cerini
all about hugh
jackman's landing
mrs.parker
prolific
thrift deluxe
