ok, í gær var ég að máta 'búninginn' minn og hluti af því var að rústa hárinu á mér með 1800 w hárblásaranum mínum. Svo var ég löt í gær og nennti ekki aftur í sturtu til að 'laga' hárið og ætlaði bara að gera það í fyrramálið (sumsé í morgun) en að sjálfsögðu nennti ég ekki að vakna mínútu fyrr og fór bara með hárið svona í vinnuna. Svo var ég að spjalla við kollega minn og fór að afsaka á mér hárið, útskýrði hvert ég væri að fara o.s.frv. Áður en ég gat útskýrt 'hvað' ég ætlaði að vera, kom fullyrðingin: 'Jaaá, ætlarðu sumsé að vera norn?' Svipurinn sem kom á mig var ekki skemmtilegur, vægast sagt. Lít ég sumsé út fyrir að vera norn í dag eða??? En svona on second thought, af hverju að taka það nærri sér sem nýliði í Hitlers Jügend segir um útlit manns? nei nei,þetta var ljótt Sigríður, bannað að gera grín að spariklæddu fólki alveg sama hvað það er búið að segja um hárið á þér ;)
já, btw. vantar e-n notaða uppþvottavél á 5 þús.? Hún er komin til ára sinna en virkar vel. Sendið bara e-mail ef þið hafið áhuga.
drumroll please...
Þá hef ég gert minn fyrsta bækling takk fyrir! Fagurgrænn bæklingur sem inniheldur ýmsa linka tengda garðyrkju. Mikið obboslega er ég stolt af mér í dag ;) Kannski maður skelli honum bara inn á pdf formi, hver veit?
Annars hlakka ég bara orðið til grímuballsins í kvöld. Var að henda saman e-s konar búningi í gær en sökum hugmyndaleysis míns (...og fádæma lélegra viðbragða vina og kunningja!) lét ég mér nægja að skella mér í gamla hippamussu af mútter, blása hárið á mér huges (think 'White Afro'), binda bleikan batik klút utan um það og smella í eyrun tilheyrandi stórum eyrnalokkum. Mér hefur reyndar alltaf fundist þessir eyrnalokkar ógeðslega flottir en kann ekki alveg við að ganga með þá svona hversdags. Svo er bara spurning hvort ég þori að handfjatla það skaðræðistól sem eyeliner kallast....
Jæja, fimmtudagur runninn upp í öllu sínu veldi. Ég er búin að plana major dekurkvöld fyrir sjálfa mig hvort sem ég á það skilið eða ekki. Svo þarf ég líka að finna búning fyrir morgundaginn, hjálp! Ég er nú reyndar ekkert búin að heyra í fólki varðandi þetta afmæli svo ég þarf að hringja nokkur símtöl (lesist: senda nokkur sms) í kvöld. Ég er alveg spes hugmyndasnauð varðandi búning í þetta skiptið. Á síðasta fríkballi toppaði ég náttla sjálfa mig hvað það varðar en e-n veginn virkar sá búningur ekki alveg núna. Er líka með miklu meira hár sem ég treysti mér ekki til að setja í rúllur o.s.frv. o.s.frv. Ef fólk hefur e-r brilljant hugmyndir má það senda mér e-mail í kvöld.
Já, þetta staðfestir nú bara þá tilgátu mína að í Kópavogi búi bara skrýtið fólk (takist með fyrirvara ;) Ég neyðist til þess að keyra í gegnum Kópavog með strætó á degi hverjum og það bregst ekki, að skrýtið fólk komi inn í vagninn í Kópavoginum og setjist við hliðina á mér! Þessi blessaða 'Geit' kom einmitt inn í strætó í gær og þá rifjaðist upp fyrir mér smá saga. Þegar ég var ca. 10-11 ára dvöldum við bekkjarsystkinin löngum stundum í Kringlunni sælla minninga, eh eða eitthvað slíkt. Nema þá voru svona gosbrunnar og bekkir við þá hvorum enda og var vaninn að kaupa sér e-ð í Hagkaup og setjast svo við gosbrunnana. OK, ég er nýbúin að taka gúlsopa af appelsíni þegar þessi 'Geit' labbar framhjá (nema í stað alpahúfunnar var kominn dýrindis hálfsíður mokkajakki) allavega, ég fæ hláturskast og frussa appelsíni yfir alla nálæga! Já, þetta er ungt og leikur sér ;)
núna er ég óendanlega þreytt, sit bara hér og get ekki annað. Eftir að hafa vaknað á þessum óguðlega tíma í gærmorgun atvikaðist það síðan að ég var með gestagang til tæplega þrjú í nótt. Þó svo ég hafi bara átt að mæta kl 12 áðan er ég nú samt sem áður þreytt og afskaplega úrill. Síðan er búið að plata mig í e-r rosa framkvæmdir heima í kvöld svo það verður ekkert bloggað af viti fyrr en seint seint í kvöld. *geisp*
úff hvað það var erfitt að koma sér á lappir í morgun (þ.e. eiginlega hálf súrrealískt að tala um 'í morgun' kl hálf-níu þar sem ég er undantekningalítið í draumalandinu þá). En mínar 15-minutes-of-fame eru hér með búnar. Einnig fyndið að í hvert skipti sem ég kem í útvarpshúsið er það til þess að sitja með Gettubetur fólki, hvort sem það er í stórum hóp út í sal eða í 3ja manna hóp fyrir framan hljóðnema. En hvort á ég nú að halda mér vakandi til rúmlega ellefu eða halla mér í smá stund?
verð ég pínulítið heimsfræg á Íslandi! Bright and early í fyrramálið verð ég í útvarpinu ásamt Óla og Vidda. Síðan verð ég víst að leiðrétta fyrri færslu, "Rásar Tvö-konunni" (sem heitir btw. Svanhildur) finnst Katrín ekkert leiðinleg. Þ.e. svona, aldrei treysta heimildamönnum!
ekki heimsfræg á íslandi
Þrátt fyrir vaska framgöngu í að reyna gera mig heimsfræga á Íslandi virðist frægðin ekki ætla banka uppá í dag. "Rásar-tvö" konunni finnst greinilega síðan mín jafn leiðinleg og henni finnst síðan hennar Katrínar svo ekki var mér boðið í viðtal í fyrramálið. Bitur? ég? Aldrei!
Annars er dagurinn búin að vera alveg súper dúber fljótur að líða þar sem það var brjálað að gera á bókó! Fyrsti svona örtraðar dagurinn síðan ég byrjaði að vinna en þeim fer væntanlega fjölgandi þar sem fólk fer að fara í sumarfrí þá og þegar. Dagurinn er nú samt talsvert merkilegur, ég afgreiddi nefnilega the-ultimate-pinklady!!!!!! Bára bleika mætti á bókasafnið og fékk sér bókasafnskort! Tilviljun? ég held ekki. Hún er náttla lang flottust og í dag var hún með svo flott sólgleraugu að ég var alvarlega að spá í að gera tilboð í þau á nóinu. Risastór með gylltri umgjörð og svona brúnni skyggingu yfir hálf glerin. Síðan kom fyrsta háskólaeinkunin mín, Ensk Málsaga var mössuð! 9.0 takk fyrir. Svo er spurning hvort maður skelli sér ekki út í garð til að nýta restarnar af sólinni og testa nýjustu John Frieda vöruna?
tímaskekkja
Eftir að hafa verið sambandslaus við umheiminn í dag verð ég hreinlega að skjóta inn einu bloggi áður en ég dett niður af þreytu. Mér finnst vera svo mikill laugardagur eitthvað í dag svo heilinn er ekkert að samsinna því að ég þurfti að mæta í vinnu í fyrramálið. Þess vegna þarf ég eiginlega að fara sofa ekki seinna en strax.En já, ég ákvað að gefa þynnkunni ekkert eftir og skrapp í heimsókn til hans Gulla til að efna ís-loforðið forðum daga. Það var bara stuð að sitja úti á leikvelli og borða ís, já og róla ;) Síðan var ég að átta mig á mjög svo fáránlegri hugsanaskekkju hjá sjálfri mér í dag; ég og Sindri, gamall grunnskólabróðir minn, röltum saman af Gráa Kettinum í dag, hann á leið á Lynghagann en ég á leið í strætó. Ég segist ætla að rölta með honum þar til ég finni strætóskýli þar sem 115 stoppar. Mér fannst þetta ekkert undarlegt á þeirri stundu en þegar ég kom heim áttaði ég mig á fáránleikanum. Ég sagði þetta um leið og ég virti Lækjartorg fyrir mér en það kveikti náttla ekki á neinum perum í ljóskukollinum mínum. En núna er kominn tími á svefn og það fyrir löngu síðan.
Undanfarnir 24 klst eru búnar að vera snilldar sólarhringur! ég efast þó stórlega um að restin af deginum verði jafn góð, sennilega væri honum best eytt undir sæng með kók í glasi og horfa á vídjó. Ég byrjaði í fámennu enskupartýi en enskupartý eru náttla alltaf skemmtileg svo þar var stuð. Síðan var ferðinni heitið á kosningavöku R-listans með svikarann Sibbu innanborðs, trúi ekki enn að hún hafi kosið Sjálfstæðisflokkinn *hnuss* Þessi blessaða kosningavaka var náttla brilljant!!! Hitti skemmtilegt fólk, dansaði, hitti meira skemmtilegt fólk og dansaði og dansaði...o.s.frv. Jói á einmitt þakkir skilið fyrir að tilheyra minnihlutahópnum "karlmenn-sem-geta-og-vilja-dansa-almennilega." Síðan var rúntað og að lokum var endað í hálfgildingskommúnu. Þessi post-kosninga-kommúna vaknaði síðan uppúr hádegi og rölti niður Laugaveginn skemmtilega 'ónýt' í leit að 'morgunmat' ;) Sennilega höfum við litið frekar undarlega út miðað við að einn maðurinn var í stuttbuxum og hnéháum röndóttum sokkum og ullarjakka. Ég yfirgaf þó þessa andartaks-kommúnu eftir matinn og tók strætó heim. Var að átta mig á því að í dag er ár síðan ég útskrifaðist úr Verzló og plús að Brynjar á afmæli.
ég veit ekki af hverju mér datt strax í hug Indland þegar ég las fyrirsögnina '60 brúðkaupsgestir dóu af völdum raflosts' en þegar ég komst að því að þetta var akkúrat á Indlandi fannst mér þetta soldið fyndið. Me and my sick mind. Öll "fréttin."
ís
Sorrí Gulli minn með ísinn, þetta datt gjörsamlega upp fyrir hjá mér! Góða veðrið fór nebblega eftir fyrsta prófið og það var bara skítaveður þar til í þessari viku en ég er meir en lítið til í að fara og fá mér ís á eftir, are you game?
Aftur í tímann
þá er maður bara vaknaður eftir vel heppnaða vísindaferð gærdagsins og er þá við hæfi að koma með ferðasöguna í heild. Við lögðum af stað rétt fyrir tíu úr Hafnarfirðinum (en þökk sé pirrandi strætóbílstjóra sem gjammaði í gemsann sinn helminginn af ferðinni varð ég eilítið of sein) og keyrðum sem leið lá suðr á Völl. Þar tóku á móti okkur vopnuð smábörn sem mæltu á enska tungu og bókasafnsvörður sem er fastur á 9.áratugnum (Motta, gígantísk gleraugu og tweedjakki er ekki að gera sig sko!), ég barasta að allt svæðið hafi ekkert upplifað 1.janúar 1990, allir dagar þar eru 31.des 1989!!! Við skoðuðum sumsé bókasafnið og borðuðum hádegismat í e-m Offisera klúbb og síðan var grunnskólinn skoðaður. Ég sé ofsalega eftir því að hafa ekki tekið fleiri myndir en þ.e. víst hægt að skreppa þangað í dag milli 11-16 á e-ð karnival og bæta fyrir myndaskortinn, ef ég hefði fjárfest í digital vél í stað svörtu Camper skónna væru þessar myndir til sýnis hér en svo er víst ekki. Þegar við keyrðum frá Vellinum var tekinn smá rúntur um Suðurnesin, Reyjanesviti skoðaður o.fl. o.fl. Sá rúntur tók dulítið meiri tíma en áætlað var vegna slæms vegar og tiltölulega nýbyrjuðum rútubílstjóra. Þess vegna varð að sleppa bæði Herdísarvíkinni og Strandakirkju og bruna til Þorlákshafnar. Reyndar var gert pissustopp í samkomuhúsi Bifhjólaklúbbnum Fáfni í Grindavík (fyrir þá sem ekki muna voru það Fáfnismenn sem reyndu innflutning á fáeinum Hell's Angels meðlimum ekki alls fyrir löngu). Í Þorlákshöfn var svo komið rétt fyrir sex og var það heljarinnar móttaka. Síðan var haldið í bæinn e-n tímann milli sjö og átta og haldið áfram að skemmta sér í fjölnotasalnum alræmda og þegar honum var læst var haldið heim til Guðbjargar í karókí, ég veit reyndar ekki hvort staðið var við það þar sem ég og 'wannabe' Reykvíkingurinn héldum áleiðis í póstnúmer 105 stuttu eftir komuna til Guðbjargar. Þetta var virkilega skemmtileg ferð og ekki síður var gaman að skemmta sér með samstarfsmönnum þar á eftir. Jebb, bókasafnfsstarfsmenn rokka! Nú er bara að fara í sturtu og fara síðan að kjósa rétt!
já og alltaf gaman að hitta fólk sem les síðuna manns, hæ Jóhanna/Jóska!
þar sem dvölin í Þorlákshöfn reyndist lengri en áður var talið, ákvað Sigríður Reynisdóttir að blogga meira. Ég sit hérna á bókasafninu í Þorlákshöfn og blogga í annað skiptið. Það er meira segja verið að gera grín að mér, sei sei sei. Nú er bókasafnsfólkið (og fólið reyndar líka) orðið drukkið og ég held að það verði framhald af þessu þegar komið verður í póstnúmer 220 aftur. En ég held ég fari að blogga á ASAT núna, þar sem ég er orðin drukkin og efni loforðið góða...
þorlákshafnarblogg
nú er ég í Þorlákshöfn, mínu bernskuheimili, og blogga eftir þónokkra bjóra og hvítvín. Sussussu Sigríður þó!
þreyta
núna er ég alveg óendanlega þreytt og ég skil eiginlega ekkert af hverju. Ég svaf meir en nóg síðastliðna nótt og ég hef í raun ekki gert neitt af viti í dag. Ætlaði að vera voða voða dugleg, vakna snemma en drattaðist ekki á lappir fyrr en rúmlega átta. Fór í vinnuna, kom heim. Skrapp í Kringluna og glápti á sjónvarpið restina af deginum. Gríðarleg afrek eða hitt og. Mér tókst nú samt að versla mér eins og eitt skópar í dag, svartir svona classic Camper skór. Síðan sá ég aðra skó í blaði í dag, svona skærgrænir (eins og ísskápurinn minn) támjóir með háum hæl, að mig minnir úr Kron. Ég hreintútsagt ELSKA Kron.
Svona lagað kemur náttla bara fyrir Þóri! En nú verð ég að fara sofa til að safna kröftum fyrir vísindaferð morgundagsins...
að fá bókagagnrýni frá manni sem álítur fjárlögin skemmtilesningu er ekki einu sinni svaravert.
Annars var ég að lesa góða pælingu hjá Unni varðandi miðbær vs. úthverfi. OK, ég hef aldrei búið í miðbænum tæknilega séð, heldur frekar á jöðrum hans en ég hef nú kynnst honum töluvert á labbi í og úr vinnu ásamt því að heimsækja fólk sem á heima þar (það gerðist í fyrsta skipti í vetur að ég kynntist fólki sem býr í göngufæri frá mér, annars þekki ég bara fólk í nálægum bæjarfélögum eða úthverfum Rvk). Unnur minnist á sál miðbæjarins og því er ég sammála, þ.e. e-n veginn meira gaman að rölta um t.d. Norðurmýrina, Þingholtin eða Grettis/Njálsgötu heldur en t.d. Laugarneshverfið eða Breiðholtið. Það er einfaldlega meira líf þarna niðurfrá, ekki endilega snyrtilegt líf eins og blessuðu rónarnir bera vitni um, heldur alls konar líf. Þegar ég vann niður á Torfu var oft mjög gaman að sitja í trjábeði, reyta arfa og fylgjast með mannlífinu og smám saman áttaði maður sig á rútínunni. Sömu hlutirnir gerðust ca. á sama tíma dag hvern; Steinunn Ólína fór á kaffihús kl þetta, Dagblaðsmaðurinn gekk upp Laugaveginn kl hitt o.s.frv. o.s.frv. Þ.e. því nokk ljóst að ég mun leita mér að íbúð í miðbænum í framtíðinni, en hvort það verður Hafnarfjörður eða Reykjavík verður framtíðin að skera úr um. En nú er ég farin í hádegismat út í góða veðrið...
ps. er ekki kominn tími á einkunaskil Mr.Regal, ha????
nýjar víddir nördaskaps
jæja, núna á eftir stíg ég einu skrefi lengra í átt að algjörum nördaskap. Ég tók áðan 2 Starwars bækur. The Courtship of Princess Leia hét önnur og hin var e-ð í sambandi við Han Solo. Best að athuga hvort mér gengur e-ð betur með þær bækur en blessaða Hringadróttinssögu. Ég held ég hafi náð 3-4 köflum í viðbót eftir að ég fór á myndina í bíó en úff hvað þessi fyrsta bók er ofboðslega þurr eitthvað. Ég hef það eftir traustum heimildum að þetta skáni til muna í bók 2 og 3 en ég efast stórlega um að ég komist nokkurn tímann svo langt. Allavega ekki ef eitthvað vit er í Starwars bókmenntunum. Legg þess vegna Simone de Beauvoir frá mér í bili fyrir vísindaskáldskap. Svo var ég að spá, eru þessar Starwars bækur ekki bara fan fiction komið á útgáfustig?
Þ.e. aldeilis, að vera barasta linkur vikunnar hjá Óla. Þar sem maðurinn skuldar nú þegar eitt stk dagatal og minjagrip sýnist mér á öllu að verðskráin fari hækkandi dag frá degi. Ef ekki verður staðið við greiðslur verður líklega farið fram á fjárnám;)
Annars kenni ég nýtilkomnum boðorðum Bókasafns Hafnarfjarðar um strjálar uppfærslur hérna. Þ.e. víst bannað að hanga á netinu á vinnutíma svo að sjálfsögðu var ég stillt lítil stúlka og hlýddi. Þar að auki hef ég nú ekki gert mikið undanfarna daga. Kannski er sjokkið eftir 'sunnudagsbíltúrinn' bara að koma yfir mig núna ;)
Annars gerði ég soldið í dag sem ég hélt ég myndi aldrei gera. Ég fór með regnhlíf með mér í vinnuna. Hvaðan kemur þessi skyndilega skynsemi mín? Mér er hreint ekki farið að standa á sama, hvað næst? Ég þurfti reyndar ekkert á henni að halda en ég bara týmdi ekki að hafa eytt öllum þessum tíma í gær að blása á mér hárið til að rigningin hleypti upp krullunum svo varúðarráðstafanir voru teknar.
Ég horfði á myndina Tillsammans áðan. Fyndið hvað ég fékk svona vægt nostalgíukast þrátt fyrir að vera fædd á 9.áratugnum og missti þess vegna af þessu tímabili. Sennilega orsakaðist þetta af öllum myndaalbúmunum hérna heima sem ég hef flett trilljón sinnum. Jävla Fascistar og góða nótt.
já, er það bara mér sem finnst þetta eiga betur heima í símaklefa?
ógef
'ógefið' hans Tómasar olli nú aðallega miklum heilabrotum hjá mér, engum leiðindum. Hér með er misskilningi á báða bóga eytt.
Baz Luhrman er náttla bara snillingur! Var að koma heim af Moulin Rouge kvöldi hjá Birgittu þar sem rennt var í gegnum aukaefnið plús myndina. Þessi mynd er alltaf jafn góð. Þegar Luhrman gerði Romeo + Juliet fyrir nokkrum árum fór ég, að mig minnir, 3var á hana í bíó! Sá hana í öllum sölum Regnbogans og geri aðrir betur. Á báða soundtrack diskana plús e-n bol sem ég vann í e-i gelgjublaða samkeppni. Ásamt uppfærslunni á Hárinu í Íslensku Óperunni um árið hefur þessi mynd, þeas R+J, haft mest áhrif á mig af svona afþreyingarefni. Merkilegt að ég skuli ekki enn eiga hana á vídjó. Talandi um vídjó, þá er víst best að fara horfa á e-a mynd með Kátum Piltum sem ökuþórinn lánaði mér.
Einn Pulp Fusion diskur er í spilaranum núna og er snilld! Svona Jagúar fílingur.
jæja, þá er komið plan fyrir þennan sunnudag, mér er boðið í ferð um Reykjanesið í fylgd tveggja heiðursmanna að skoða hveri. Þetta getur ekki verið annað en skrautleg ferð.
hvað
...á maður að gera af sér í dag. Ég var víst búin að lofa að þrífa bílinn en þ.e. held ég eina planið so far. Ég er enn að reyna koma sjálfri mér í skilning um að ég eigi ekki að vera lesa undir próf og megi því eyða frítímanum í hvað sem er án þess að vera með samviskubit.
Ég held ég hafi verið að eins of fljót á mér í gærkvöldi að stimpla Episode II. Ég sá trailerinn áðan í sjónvarpinu og langaði þá óstjórnlega á myndina aftur. Kíki sennilega e-n tímann seinna þegar hún verður komin á þriðjudagstilboð. Í kvöld verður svo Moulin Rouge kvöld heima hjá Birgittu svo það verður stuð.
Hayden Christiansen
var að koma af Episode II núna áðan og satt best að segja varð ég fyrir hálfgerðum vonbrigðum. Fyrir hlé gerðist nákvæmlega ekki neitt og maður var farinn að geispa ótt og títt. Svo skánaði myndin til muna e. hlé og fann maður fyrir hrikalegu déjavú-i frá Episodes V og VI, skýrskotanir í Luke Skywalker og Princess Leia hægri vinstri. Yoda atriðið er náttla OF flott og reyndar bara allt það atriði í heild sinni er flott. Hayden Christiansen breyttist mjög hratt úr ömurlegum vælandi leikara yfir í ofursvalan pre-Darth Vader! Hayden er held ég barasta kominn inn á listann;)
Mikið gasalega er gott veður úti! Allir sem sitja inni í þessu veðri (þ.e. þeir sem eru ekki að vinna!) eiga að gjöra svo vel að koma sér út. Núna eða strax!!!!
Ég vaknaði snemma í morgun til þess að taka vagn 150 út í Hafnarfjörð. Fínt að rölta út á Hlemm í blíðskaparveðri, kasta kveðju á rónana og skoða skilaboðin sem e-r krotarinn hefur skilið eftir á gangstéttarhellunum á Rauðarárstígnum. Hlemmur var ósköp fámennur í morgun, bara ég og 2 rónar. Síðan slóst Hjalti í hópinn og stefnan var tekin á Hafnarfjörð, rónarnir reyndar skildir eftir. Í tilefni af blíðskaparveðrinu var haldið í bakaríið Vort Daglegt Brauð áður en vinnan byrjaði og ostaslaufur snæddar úti í sólinni. Nú sit ég reyndar á 'trouble deskinu' (..er þetta ekki rétt núna Ásta?) uppi á 2.hæð, enga sól að sjá og steikjandi hiti. En stefnan er tekin á garðinn þegar ég kem heim! Síðan er það Episode II í kvöld með Birgittu, Jóhönnu og Kalla og svo partý hjá Heidi! Hey allíjúbba!
friday five
1. What shampoo do you use?
eh, ég nota 2 mismunandi eftir því hvað ég ætla að gera við hárið á mér. Ef ég ætla að vera 'natural' og leyfa krullunum mínum að brjótast fram nota ég John Frieda Sheer Blonde Highlight Activating Shampoo. Ef ég ætla aftur á móti að vera með slétt hár, eins og ég vil oftast eftir að hafa eytt drjúgum hluta ævinnar í að reyna slétta hárið, nota ég John Frieda Frizz Ease Corrective Shampoo and Shiner.
2. Do you use conditioner? What kind?
Þar sem ég er með krullað hár verð ég að nota hárnæringu í hvert skipti sem ég þvæ á mér hárið, John Frieda Frizz Ease Glistening Creme Conditioner.
3. When was the last time you got your hair cut?
Alltof langt síðan. Í desember fór ég og lét klippa og lita á stofu. Annars hefur mamma séð um að 'særa' hárið síðan. Held ég hafi látið 'særa' það tvisvar og kominn tími á slíkt aftur.
4. What styling products do you use?
Eh, John Frieda Frizz Ease Serum, Frizz-Ease Corrective Stying Mousse, John Frieda Dream Creme Instant Silkener og Clinique Perfectly Straight Straightening Balm ;)
5. What's your worst hair-related experience?
Hvar á ég að byrja? 'perm-atvikið' um síðustu jól kemst á topp 10, þegar svona hringbursti festist í hárinu á mér og það þurfti að klippa það burt (þetta var alveg við andlitið á mér!) sömuleiðis. Síðan er hárið á mér bara svona kapítuli út af fyrir sig, hörmung frá náttúrunnar hendi. Ef ég nota ekki neitt og blæs það, lít ég út eins og Yoko Ono á slæmum degi hérna í denn.
Annars þakka ég bara guði fyrir að John Frieda vörur eru farnar að fást hér á landi og sömuleiðis ofur-hárblásarann minn sem lítur reyndar út eins og e-ð úr Star Wars ;)
jæja, á netrápinu í kvöld rakst ég á síðuna hans Halls. Hann Hallur er einmitt að fara giftast henni Ásdísi sem einmitt vinnur með mér. Þessu var ég að komast að, í gegnum netið. Allavega, ég kíkti á linkana hjá honum og þar var hann Muzak lifandi kominn en hann hitti ég í afmælinu hennar Unnar sælla minninga. Síðan er spilaklúbburinn Emil (?) einnig á sömu síðu sem hann Sverrir Jónsson fellow bókasafnsgimp úr Verzló er meðlimur í! Þar með er bókasafnshringurinn kominn heilan hring! Síðan var mútter að koma og nau nau, þekkti hún ekki enn einn meðliminn (nb. þann eina sem ég þekki ekki) en þessi Jóhanna er víst með henni í Söngsveit Hafnarfjarðar!!!!!!! Já, gaman að lifa á Fróni.
nývöknuð
Ég steinsofnaði áðan þegar ég kom heim úr vinnunni og var bara að vakna rétt í þessu. Mental note: ekki leggjast upp í rúm til horfa á sjónvarp! Ég leit á vekjaraklukkuna mín og af e-m ástæðum fannst mér vera kominn laugardagsmorgunn og fékk e-r voða áhyggjur af strætó málunum, þeas hvaða strætó og klukkan hvað ég ætti að taka hann. Ég panikkaði sumsé í góðar fimm mínútur áður en heilinn tengdi, 'ah, þ.e. föstudagskvöld!' Að hitta á mig nývaknaða getur verið eitt af tvennu; annaðhvort er ég hálf vönkuð og röfla bara e-ð út í loftið og held fram fáránlegustu hlutum eins og sannaðist í kvöld. Hins vegar er ég yfirleitt hrikalega morgunfúl og það borgar sig svo sannarlega ekki að yrða á mig. Með því er verið að hætta á að rjúfa þetta hárfína jafnvægi milli góðmennskunnar og illmennisins í mér. Ég tala helst ekki fyrr en ca. klukkutíma eftir að ég vakna, þangað til umla ég bara eða hvæsi. Svona er hún Ása vinkona mín einmitt líka, skýrir sennilega af hverju við vorum svona ideal herbergisfélagar úti á Krít;)
eh, come again?
Hinn útflutti herra Pottur er e-ð að tjá sig um síðustu færslu. Ég verð bara að viðurkenna að ég er soldið of ljóshærð til að ná þessu hjá honum. eh, who cares? Síðan er ég að drepast í hægri fætinum, e-ð Helgu-syndróm í gangi. Er nebblega komin með risa blöðru á eina tánna etc etc og það er vont!. Mig langar heim.
mynd
Var alveg búin að fá nóg af titil myndinni, fannst hún töff fyrst en svo varð hún ógeð. Hún er sumsé farin og gamla góða myndin komin aftur.
Annars er það helst í fréttum að Ásta er byrjuð að blogga og það er 1 1/2 klst þar til ég verð búin að vinna. Svo hitti ég líka hann Bigga í hádeginu. Svosum skiljanlegt að rekast á e-n sem maður þekkir á hádegisrölti en ekki ef maður vinnur í Hafnarfirði. Það eru ekki margir sem ég þekki röltandi um Hafnarfjörð í hádeginu. Annars er mest lítið að frétta.
daily horoscope
ok, ég veit ég er hrikalegur sökker fyrir öllu svona dóti (along with e-y stupid sale's trick in the book!) en þessi stjörnuspá í Vogue fannst mér nokkuð góð:
May promises to be a life-changing month for you. But the jigsaw pieces refuse to form a clear picture until the 26th, when your ruler Saturn's cycle. Until then, focus on clearing up as many unresolved issues as you can. True, with challenging aspects involving e-g from relationship to finances, you'll frequently feel cornered or that you're dealing with unfair circumstances. However difficult relinquishing elements of the past may be, they make way for a glittering future.
erfitt að vakna
Af hverju er svona hræðilega erfitt að vakna á tilsettum tíma? Ég stilli klukkuna yfirleitt á svona hálf-átta en kem mér ekki á lappir fyrr en ca. korter yfir, næ þá rétt að bursta í mér tennurnar, klæða mig og hlaupa út á Hlemm. Ég eyði svo tímanum í strætó í það að vakna. Ein spurnining, er það bara mér sem finnst 'sveita' vagnarnir mun óþægilegri en gömlu SVR strætóarnir? Annaðhvort er það málið eða bílstjórinn í morgun kann ekki að bremsa varlega, maðurinn nauðhemlaði á ca. 10 mín. fresti þannig að maður rykktist fram úr sætinu með reglulegu millibili. Kannski bara vanalegur morgunpirringur í Sigríði Reynis. Whatever.
nörd
jæja, þá er ég búin að vera nördast í tölvunni í hátt í 3 tíma! btw. ekki á msn! 'Háttvirt' félagasamtök hér í borg komu að máli við mig um helgina og vildu athuga hvort ég væri ekki til í að breyta/bæta heimasíðuna hjá þeim. Jú jú, minnsta mál enda sel ég mína vinnu ódýrt, er nú reyndar búin að hækka taxtann úr dagatali í minjagrip. En nú er það svefn.
alltaf sterkt þegar mann vantar fyrirsögn að nota bara daginn.
Dagurinn í dag var svosum ekki neitt spes. Vaknaði á tilsettum tíma, fór í vinnuna, vann, tók strætó heim og búið. Enginn hasar og ekki neitt. Sá reyndar disk sem mig langar til þess að heyra, Pulp Fusion, e-r svona fönk/djazz diskur. Kvöldinu verður svo eytt í nördaskap á nördaskap ofan ásamt líklegri hvítvínsdrykkju yfir 'Secret Life of Us.'
jæja, þá er maður kominn heim eftir langan dag og fæturnir hugsa manni þegjandi þörfina. Stefni á sturtu og svo svefn strax á eftir.
Hérna eru svo nokkur quiz:
Come get your fortune read!
Created by ptocheia
[ via Kristín ]
vinnublogg
nú sit ég hérna á mínu eigin 'problemdeski' á Bókasafni Hafnarfjarðar og blogga. En fyrr en varir verð ég komin í heimsókn til hennar Ástu!!! Föstudaginn 24.maí verður smá 'vísó' hjá starfsmönnum bókasafnsins, bókasafnið á Vellinum verður skoðað ásamt bókasafninu í Þorlákshöfn! Það verður því giðveikt stuð á bókó í maí!!!!!!
Annars er dagurinn í dag búinn að vera ofsalega krefjandi gáfnafarslega séð, vinnuplanið sem segir til hvar hver og einn á að vera þá stundina er sjúklega flókið (+ að ég er ljóshærð) og ég er aðallega í því að væflast milli hæða til að tékka hvar ég eigi nú eiginlega að vera akkúrat núna! Eyddi góðum 2 klst í smá 'sweat shop' vinnu inni á tónlistardeild í að líma þjófavörn á geisladiska. Dagurinn er alveg búinn að fljúga áfram þökk sé vaktaplani from hell.
Ég svaf næstum því yfir mig enn einu sinni í morgun. Vaknaði kl 8 og ætlaði að taka strætó 20 mín. yfir. Náði því rétt að klæða mig og bursta í mér tennurnar áður en ég þaut út á Hlemm. Þessi árátta mín að sofa yfir mig er náttla bara þessu bóhem lífi sem fjölskylda mín lifir þessa stundina. Foreldrar mínir voru með gesti til að ganga 5 í morgun með tilheyrandi látum og ég skrapp á kaffihús með Ásu helst til seint. Fannst svo vera laugardagur þannig að vinna daginn eftir var bara ekki inni í myndinni. Jæja, búin að röfla nóg í bili og best að snúa sér að 'problem deskinu'
aye, it hurts!
Lappirnar á mér fengu smá æfingu í dag fyrir bókasafnsvinnuna í sumar. Ég stóð upp á endann frá kl 15:30 til ca. hálftíu og var að hella í glös, fylla á snittur, spjalla við ættingja, sækja hitt og þetta o.s.frv. o.s.frv. Þetta var samt allt voðalega vel heppnað. En ég er alveg hrikalega þreytt samt sem áður. Svo ákvað ég að ég nennti ekki að sitja heima með aumar lappir eftir afmælið og plataði hana Ásu á kaffihús. Það er náttla of langt síðan við höfum sést og fylgdi þessum endurfundum okkar náttla viðeigandi píkuskrækir og gelgjustælar, síðan var klukkan barasta orðin eitt og við báðar að vinna í fyrramálið :(
Talandi um vinnu, er það ekki rétt skilið hjá mér að ég geti tekið vagn nr 140 frá Hlemmi og beinustu leið í Hafnarfjörð? Ég kemst svosum að því í fyrramálið þegar ég labba út á Hlemm, kannski mæti ég seint í vinnuna og það verður þá strætó að kenna.
Í tilefni dagsins ætla ég að óska móður minni til hamingju með 50 ára afmælið, Óli grís fær engar kveðjur frá þessum bænum.
jæja, þá er maður barasta orðinn stjórnarmeðlimur í hinu ágæta félagi enskunema, FEN/BOG. Rússnesk kosning var það heillin, í öll embætti. Flestum var nokk sama hvaða embætti þeir gegndu svo það var bara raðað í þau eftir kosninguna, voðalega bóhem allt saman. Æi, það var ofboðslega gott að hitta þetta fólk áðan, dagurinn var búinn að vera svona nett pirrandi framundir 5 en ég ætla ekki að útlista þann pirring hér. Alltaf hægt að treysta enskunemum til að koma manni í gott skap aftur ;)
Við systurnar fórum í heljarinnar rúnt uppúr hádegi til að finna og kaupa afmælisgjöfina handa mömmu og m.a. fórum við út í Hafnarfjörð. Ég notaði tækifærið og kíkti upp í vinnu svona til að vita kl hvað ég á að byrja vinna á miðvikudag. Annars var tilgangurinn með ferðinni að kíkja til Siggu&Timo, á skartgripina þar. Á meðan við vorum þar inni kemur kona inn og er greinilega að biðja um viðgerð á e-u og afgreiðslukonan segir að það kosti 3200 kr. Byrjar ekki hin konan að reyna prútta! Nei, 3200 er of mikið. 3000? Alltaf stuð í Hafnarfirðinum.
Hér kemur síðan framhaldssagan af töskunni frægu. Áður en ég hélt á kjörstað í dag skrapp ég niður á Skólavörðustíg, nánar tiltekið í Liti&Föndur. Fékk stæði rétt við búðina og það voru meira að segja 20 eftir í stöðumælinum o'allt! Ég rölti inn í búðina og það fyrsta sem ég sé voru bambushringir!!!! Nógu stórir til að nota sem handföng á töskuna mína. Keypti 2 stk ásamt tréperlum sem ég ætla mála í stíl við klútinn minn. Ég er farin að halda að ég ætti að hafa svona sér-föndurhorn hérna en ég hef sennilega ekki nóg pláss á tripod ;) Nóg röfl í bili en fyrir kvenkyns enskunema er hér hönkalistinn minn endurbirtur, í engri sérstakri röð:
1)Alan Davies (aka Jonathan Creek)
2)Stuart Townsend
3)Martin Kemp (Steve Owen úr Eastenders)
4)Colin Firth (sem Mr. Darcy hjá bæði Austen og Fielding)
5)Dylan McDermott
6)Ewan McGregor
7)Jude Law
8)Russell Crowe
9)Hyde úr That Seventies Show (veit ekki nafnið)
10)Jamie Oliver
11)John Cusack
12)Nicholas Cage
13)Guy Pearce
14)Brian Krause (úr Charmed)
15)Antonio Banderas(hvers konar listi væri þetta án a.m.k. einnar latínó lufsu?)
16)Sting
capital, capital!
ah, fyrsti frídagurinn búinn að líta dagsins ljós. Sól í heiði og sennilega brunagaddur úti. Ég entist nú ekki út alla P&P, neyddi mig bara til að sjá 'The Lake Scene' og síðan lognaðist ég útaf. Í tilefni af því koma hérna nokkrar myndir af eðal-hönknum Colin Firth/Mr.Darcy:
núna er ég að leka niður af þreytu! Held augunum varla opnum og það tekur of mikið á að pikka á lyklaborðið. Ætla þess vegna að koma mér vel fyrir í sófanum mínum undir sæng og horfa á Colin Firth sem the absolutely gorgeous Mr.Darcy! Fyrst í Pride&Prejudice og svo, þ.e.a.s. ef ég næ að halda mér vakandi, Bridget Jones!
Which Woman of Beauty Are You? Find out! By Nishi.
Which Beatle girl are you?
Svo vil ég hér með lýsa eftir félagsskap á Star Wars Episode II þar sem líklegasti kandídatinn af mínum vinum er búinn að sjá hana! Jamie Oliver/Colin Firth look-a-likes preferred but beggars can't be choosers, right?
chronicles of me
já, gærdagurinn fór aðallega í snatt hingað og þangað. Ég var búin að ákveða að sauma mér tösku fyrir kvöldið, svona 'tuðru' með bambushöldum og útsaumi á hliðunum, svo ég varð að útvega höldurnar o.fl. Svo af því prófið var á laugardegi þá fokkaðist allt dagaskyn hjá mér og mér fannst endilega vera föstudagur (Þórir, nei þetta er ekki skot á þig ;). Skildi ekkert í því af hverju búðir voru lokaðar svona snemma. Mér tókst sumsé ekki að útvega mér neinar bambushöldur, ekki einu sinni viðarhöldur úr e-m léttum við og síðasta úrræðið var sumsé að kaupa kaðalbút, vel þykkan, og vefja hann með efninu sem taskan sjálf er úr. Þetta tók tímann sinn en tókst að lokum. Síðan þurfti ég að sækja Mary Jane skóna til skósmiðsins og keypti mér í leiðinni rauðan klút til að hafa með töskunni (útsaumurinn átti að vera rauður að megninu til). Í ofanálag þurfti ég að skutla foreldrum mínum í fimmtugsafmæli þannig að ég var ekki komin heim fyrr en rétt undir sex. Þá tók töskusaumurinn við og hann tók heldur lengri tíma en ég bjóst við. Klukkan hálf átta átti ég bara eftir að setja aðra hölduna á en ég var komin með svo mikið samviskubit yfir að vera orðin sein að ég henti öllu frá mér, skipti um föt og dreif mig út á Laugaveg í grillpartýið. Fór ekki með klútinn né töskuna :( svo allt snattið fyrr um daginn var til einskis, eða nánast. Þetta er mjög týpísk ég, ákveð að gera e-ð svona og held ég hafi nægan tíma en er svo á síðustu stundu með allt heila klabbið. Það sem fór reyndar mest í taugarnar á mér var að geta ekki fundið bambushöldur, hvað þá viðarhöldur! Taskan lítur þess vegna ekki alveg eins út og fyrirhugað var. Svo er bara spurning hvað maður gerir í kvöld? Langar að elda eitthvað gott og kannski taka e-a spólu? Talandi um Jamie Oliver, það var barasta gert grín að mér í gærkvöldi fyrir að finnast hann sætur! *hnuss*
spennufall
nú þegar öllum ósköpunum er lokið og maður hefur sinn tíma fyrir sig, í 2-3 daga áður en vinnan tekur við, verður hálfgert spennufall. Sit bara í vinnunni og velti fyrir mér hvort ég eigi að halda áfram að skoða ruls á netinu eða lesa Artemis Fowl eða glugga í 2 doðranta merkta Oxford Anthology of English Literature (já, masókisti er rétta orðið)
eh, Satine anyone?
Which Royalty Are You? Find out! By Nishi.
jahú
þá er skólinn búinn í bili, allavega þar til í ágúst. Það er nú gaman.
Í kvöld var sérdeilis snilldar grillveisla hjá Jóhönnu og Kalla, þokkalega! ;) Fyrsta árs nemar hittust þar að megninu til, átu, drukku og voru glaðir. Sökum lærdómsþreytu voru menn þó ekki lengi, flestir fóru að huga sér til hreyfings uppúr eitt. Þar hitti ég fyrir annan aðdáanda Doob Doob O'rama, hana Sibbu, en hún á einmitt DDOR númer 2 sem ég hreinlega verð að fá lánaðan!!! Alltaf gaman að hitta fólk með þroskaðan tónlistarmekk ;) Jæja, nú held ég fari að skríða í háttinn þar sem það er vinna í fyrramálið plús kannski-möguleg html kennsla í þokkabót. Góða nótt og varið ykkur á myrkrinu...
ps.jell-o-shots rokka!
jæja, málsögunni lokið (endanlega vona ég!) Þetta var eitt af þessum prófum sem ég veit ekkert hvernig gengu, ef yfirferðin hjá kennaranum verður góð þá er ég held ég í ágætis málum en ef hann verður strangur þá verð ég frekar neðarlega. Trúi því nú samt sem áður statt og stöðugt að ég hafi náð. Og í kvöld verður bærinn málaður rauður, í orðsins fyllstu!!!!!!!! Grillpartý hjá Jóhönnu og Kalla þar sem e-r guðaveigar verða á boðstólum og bara djamm frameftir öllu (eða þar til ég þarf að mæta í vinnu á morgun).
en hvað varðar fyrirsögnina, þá fór ég áðan og keypti mér kaðal, bláan og vel þykkan. Grínlaust. Sagan kemur seinna.
málsögustiklur
Bara svona til gaman þá eru hér nokkur dæmi um OE o.fl.:
Þú scealt þá cýe meolcian
ond ic sceal út gán þá hors tó findenne
Gesáwest þú þá scipu?
Hí seglað tó Denemearce.1053 On þisum geare wæ se cyning on Winceastre on Eastran
1081 On þisum geare se cyng lædde fyrde in to Weala
1096 On þison geare heold se cyng Wilelm his hired to Xpes mæssan on Windlesoran
1122 On þis geare wæs se king Heanri on Cristes mæssan on Norhtwic
1137 Ðis gear for þe king Stephne ofer sæ to Normandi
blind
eftir mikinn lestur undanfarinn sólarhring eru augun mín farin í verkfall. Enginn fókus og basically blinda á letur minna en 16 pt. Málsagan er ekki að meika það, þeas málfræðihlutinn. 'Sagan' er að brillera, Orrustan við Stafnfurðubryggju, Vilhjálmur Sigursæli, Normannainnrásin 1066 etc. etc. Meira að segja germönsku þjóðflokkarnir eru að meika það en endalausar upptalningar á hinum og þessum orðum og orðflokkum sem koma héðan og þaðan og breytust svona og hinsegin...arrgh! Á þessari stundu er mér nokk skítsama hvort ég næ eða fell, þarf hvorteðer að taka 2 próf í ágúst, eitt í viðbót splittar ekki diff! Það eina sem ég hef áhuga á núna er að fá sjónina aftur og mæta í grillveislu kvöldsins!
Ég var að uppgötva eitt stelpublogg í viðbót, Kristínu enskunema (sem reyndar er að klára held ég). Gaman að því! Sá þetta brilljant quote hjá henni:
Lead me not into temptation; I can find the way myself
Rita Mae Brown
What Beatles' song are you?
vondar flatkökur
núna áðan skruppum við mamma í smá mæðradagshádegismat (ég veit hann er á sunnudag en þá er ég að vinna svo mæðradeginum var flýtt á Miklubrautinni) á Tíu Dropa niður á Laugavegi. Það er nú meira hvað sá staður hefur drabbast niður. Áður var þetta svona kósí sveitastemming en nú er þetta einu skrefi fyrir ofan Kaffivagninn eða Múlakaffi! Svo gera þeir vondar flatkökur.
góð minning
Eins og gelgja dauðans þá horfði ég á Indiana Jones myndirnar þegar þær voru sýndar á Rúv um daginn og hafði misgaman af. Í gær horfði ég á þriðju myndina, The Last Crusade, og í minningunni var hún best. Það er ein góð regla um bíómyndir sem eru 'góðar í minningunni':ekki horfa á þær aftur! Þar með fara góðar minningar í súginn. Ég man eftir að hafa séð þessa mynd oftar en einu sinni og oftar en tvisvar en ég held bara að ég horfi ekki aftur á Indiana Jones, því er nú ver og miður.
úbbs!
ég gleymdi barasta að minnast á 2 ára afmælið mitt! 9.maí átti ég 2 ára bloggafmæli. Og í tilefni af því þá kemur hér quote úr annari af tveim myndum þar sem bókasafnsfræðingar eru ekki perrar eða þroskaheftir eða bæði:
'me? i'm a librarian! *and passes out*
The Mummy, Rachel Weisz
þar sem nú er kominn fimmtudagur og próf á laugardegi kl hálf-tvö held ég að það sé ekki seinna vænna að fara læra eitthvað. Vandamálið er bara að ég get eiginlega ekki hætt að hlakka til partýsins á laugardag, töskuna sem ég var að spá í að sauma mér fyrir laugardag, Artemis Fowl bókina sem ég tók á bókó o.s.frv. o.s.frv. Svo má bæta vænum skammti af leti ofan þetta og hræra ;)
Annars sá ég fyrsta þáttinn af The Naked Chef á Stöð 2 í gærkvöldi. Þar sem mér hefur skyndilega áskotnast e-r matreiðsluáhugi (hvaðan, ef ég mætti spyrja?) finnst mér afskaplega gaman að svona þáttum. Svo er hann líka svo mikil dúlla, smámæltur og alltaf brosandi/hlæjandi. Svo sá ég líka Ali G, pjúra snilld eins og alltaf. Atriðið með gaurnum frá Kazachstan (sp?) sýndi svo frábærlega hroka og yfirlæti yfirstéttar Breta að það var ekki fyndið! En núna, málsaga!
þar sem nú er prófatíð er venjan að blogga mikið og helst breyta soldið til. Eftir að hafa verið spurð 'hver væri eiginlega munurinn á minni síðu og síðunni hjá Stebba Páls?' hafa þessar breytingar staðið til. Þetta eru engar stórbreytingar en smávegis, ég hef ekki tíma til að standa í alvarlegri breytingum.
[ editerað 00:27 ] kannski ekki beint hægt að segja að þetta séu beint breytingar, heldur kannski frekar svona viðbætur eða viðhald.
leti
í staðinn fyrir að lesa málsögu af miklum móð hef ég verið að lesa þetta bókmenntaverk hér og er nærri hálfnuð. Þetta er ein af þessum wannabe-Bridget-Jones og er eiginlega ekkert voðaleg skemmtileg sem slík. En þetta eru stuttir og hnitmiðaðir kaflar og óttalegt léttmeti, sumsé ágætis hvíld frá próflestri. Síðan var ég að toppa sjálfa mig í leti; ég sendi mútter í skóleiðangur fyrir mig! Mig sárvantar alveg einhverja svarta sumarsandala og ég hafði ekki samvisku í að fara sjálf, svo ég notaði tækifærið þegar mamma var hvorteðer að fara í skóbúðir og bað hana að leita fyrir mig. Mamma er æði.
moby
þá er ég komin á fætur eftir rúman 12 tíma svefn. Hlustandi á Moby og veltandi fyrir mér af hverju allt er fullt af mávum fyrir framan húsið mitt, á miðri Miklubraut? Þeir hafa kannski frétt af hugsanlegu skokki Helgu hér? Annars er ég bara morgunfúl að vanda, ég urra á alla þá sem yrða á mig fyrir (hádegi hefði staðið hér venjulega) kl 16!!!
andvökuröfl
takmark dagsins var að gleyma allri málfræði og sofa. Hvorugt hefur náðst. Ég hef ekkert sofið, af e-m ástæðum neitar heilinn að gefast upp og er endalaust að pæla í málfræði, berandi saman ensku og íslensku hægri vinstri! Hugtök eins og 'interrogative', 'do (so) anaphora', 'gapping', 'pseudocleft' og 'topicalization' ásamt 'periphrastic' virðast skjóta upp kollinum hvert á fætur öðru þegar ég er að reyna gera eitthvað annað, lesa eða horfa á sjónvarp. Hugtakið 'pseudocleft' er í sérstöku uppáhaldi hjá mér, það hljómar frekar eins og eitthvað sálrænt ástand heldur en málfræðihugtak.
Það er alltaf gaman að vita hvaða álit fjölskyldan hefur á náminu hjá manni. Seinnipartinn talaði ég við föður minn í síma, hann spurði hvernig hefði gengið í prófinu og úr hverju hefði eiginlega verið að prófa núna. Ég tjáði honum að þetta hefði nú verið málfræði. Viðbrögðin voru þessi: 'hann skyldi nú ekki alveg út á hvað svona nám gengi, honum fyndist það ætti bara að kenna fólki að tala og skrifa málið. Þar með væri því námi lokið' Mitt svar var þetta: 'þetta er álíka og segja að stærðfræðinám ætti að ganga út á að kenna fólki á vasareikni, það þyrfti ekki að kunna meir.' Það þarf enginn að spyrja hvaðan ég hef mína rökfærsluhæfileika...
það var svo ekkert af því að ég lagði mig í dag, gat ekki sofnað. Las bara blaðið mitt og glápti á BBC Prime ásamt því að fikta e-ð í tölvunni. Svo er ég komin í vinnuna núna, hefði verið síðasta vaktin mín ef ég hefði ekki látið plata mig í að vinna á sunnudaginn líka. Það er einmitt dagurinn eftir eftir enskudjamm (gelgja hefði sett viðurlagið 'dauðans' fyrir aftan en það er nú ekki líkt mér, ónei). En núna er ég bara í vinnunni að reyna halda augunum opnum og finna mér eitthvað til dundurs til kl 22.
endalaus gleði!!!!!!
jæja, málfræðiógeðið búið og þá er hægt að vera á netinu samviskulaust (en hvað er þá gaman við það?), hlusta á tónlist og það hátt og það magnaðasta af öllu....sofa! Ég gerði óskaplega lítið af því í nótt og þegar ég lagði mig í 2 klst þá dreymdi mig að refur (húsvaninn skv. eigandanum) var að stökkva á mig og bíta mig! Síðan skrapp ég í bóksöluna á leiðinni heim og nældi mér í nýjasta eintakið af Livingetc svo nú vantar bara góðan hádegismat til að kóróna mómentið.
Prófið fannst mér vera suddalega létt og barasta beint upp úr bókinni, photographic memory rocks!!! Ég var nú samt sem áður eina manneskjan sem kom út úr þessu prófi ljómandi af gleði yfir að vera ekki fallin, hmm? Kannski hefur það bara verið svefngalsi sem gerði það að verkum og ég er í raun fallin? Það kemur víst í ljós fyrr eða síðar, best að vera bara glaður í dag samt. Ég átti von á alveg hrikalegu prófi þar sem ég renndi yfir verkefnin í faginu hálftíma fyrir próf, enn með refadrauminn í hausnum og var með grátstafina í kverkunum þar sem ég treysti mér ekki til að leysa svona verkefni á prófi. En það komu nú bara 4 verkefni á prófinu, öll nákvæmlega eftir bókinni og sannanirnar voru meira að segja gefnar upp, því átti ég heldur ekki von á. Ég teiknaði bara 'trén' eins og þau voru í bókinni og 'sannaði' reglurnar eftir gefnum forsendum, alltígúddí. Það voru allir svo fúlir yfir því að hve fá verkefni komu því kennarinn (eða réttara sagt kennaraómyndin) hafði sagt í síðasta tímanum (sem ég nb. mætti ekki í) að prófið yrði úr því sem farið hefði verið í í tímum. Já já, þetta var nú bara úrdráttur upp úr kennslubókinni. Ég er því á skýi nr.9 í augnablikinu. Held að þetta hljóti að vera minn dagur, prófið gekk vel og strætó kom barasta 2 mín. eftir að ég kom í strætóskýlið (þarf yfirleitt að bíða í hálftíma!) Svo gerði ég þau leiðu mistök að tala við sjálfa mig upphátt í strætóskýlinu og skrýtna dósakonan (þið vitið, þessi með hækjuna) gekk framhjá og horfði á mig með fyrirlitningarsvip. Það er orðið slæmt þegar 'skrýtna' fólkið er farið að líta mann hornauga. En núna....svefn.
pulsur
nú er ég nýkomin af Bæjarins Beztu þar sem eitt stk viðbjóðspulsa var snædd. Í staðinn fyrir að vera sósjal-smóker er ég sósjal-pulsu-neytandi. Ég fer á Select og Bæjarins út af félagsskapnum, ekki pulsunum. Það er sorgleg staðreynd. Þá er eins gott að hafa þetta í bakhöndinni. Svona ef ske kynni að ég þyrfti nú að fá mér kött einn góðan veðurdag. En nú verður gaman, málfræðin kallar, yfirferð nr.2
Rakst á þessa vægast sagt álkulegu mynd af Agli fyrir tilviljun.
...it's time for the Bat-signal!!!!!!
Þeir sem eru að læra undir málfræði, getiði útskýrt hvað er í gangi á bls 40-41? Ég skil varla textann, alls ekki dæmin svo...HJÁLP!
magnað
Af e-m undarlegum ástæðum þegar ég var að lesa fréttavef BBC áðan, mundi ég eftir svolitlu sem kennarinn í Breskri Menningarsögu sagði okkur frá, deild innan breska hersins sem kallast 'ghurkas.' Þetta eru magnaðir náungar og koma frá Nepal. Á hverju ári fara x margir piltar til Bretlands í herþjálfun og er þetta sú sveit innan breska hersins sem hefur fengið flesta Viktoríukrossana gegnum tíðina. Aðferðir þeirra eru víst frekar brútal og ekkert grín að lenda í þeim, aðalsmerki þeirra er mjög svo undarlegur hnífur og honum er víst beitt óspart.Við fengum að heyra e-a sögu af ungum nýliða í hernum sem var að fara á sína fyrstu næturvakt (að mig minnir í WW II) og sá sem hann tók við af ráðlagði honum að ef hann yrði var við e-ð undarlegt, standa bara kyrr og láta eins og ekkert væri. Þegar eitthvað var liðið á nóttina finnur hann að það er tekið utan um ökklann á honum og þreifað upp eftir löppinni. Hann gerði eins og lagt hafði verið fyrir hann, stóð kyrr og lét eins og ekkert væri, og höndin sleppti. Hann hafði ekki heyrt neitt, hvorki þegar þessi dularfulla hönd kom né fór. Morguninn eftir fékk hann að vita hvað var á seyði. Þessir nepölsku Gúrkar fóru á stjá eftir að skyggja tók, fóru mjög hljóðlega og voru í leit að Þjóðverjum. Ástæðan fyrir þuklinu var sú að eitthvað var öðruvísi við þýska búninginn, e-r bönd eða slíkt. Hefðu þeir orðið varir við slíkt hefði ekki þurft að spyrja að leikslokum, hnífurinn hefði farið á loft á augabragði. Mér fannst þetta alveg tilvalið prófblogg, gjörsamlega ótengt námsefni dagsins ;)
jæja, lærdómstilraunir mínar virðast ekki ganga sem skyldi og þar sem bjór gærkvöldsins fór ekki vel í magann á mér ákvað ég að kaupa kók en ekki pepsi sem ég geri venjulega. Komst þá að því að kók var ekki eins gott á bragðið og mig minnti, held mig við pepsíið í framtíðinni, tcha nema kannski mér takist að komast uppá lagið með að drekka kaffi?
Þar sem fjölskylduleyndarmálið um 14.maí næstkomandi er ekki leyndarmál lengur ákvað ég að auglýsa mútter soldið. Hún er nefnilega að fara halda málverkasýningu í tilefni af fimmtugsafmælinu 14.maí næstkomandi í Artstudio Gallery, Vesturgötu 12, 101 Reykjavík. Sýningin verður held ég opin í 2 vikur og það er bara um að gera að fagna komandi sumri með smá menningarupplifun. Hérna fyrir neðan eru nokkur sýnishorn af verkunum.
hádegisblogg
þá er ég búin að drösla mér á fætur eftir næturbröltið. Byrjað var á Nelly's en vegna meindýraplágu þar var rölt yfir á Næsta bar. Svona til að kóróna þessa færslu er hér smá name-dropping; Þjóðleikhússtjóri, Arnar Jónsson, Þórhildur Þorleifs, Sólveig dóttir þeirra hjóna, Egill Ólafs og Tinna, Hilmir Snær og bloggarinn Friðrik Friðriksson. En nú skal rölt út í Hlíðakjör eftir koffínfixi dagsins og lært. Svo verður lært meira. Og meira.
jæja, þá er mögnuð glósugerð byrjuð í málfræðinni og ég rakst á eftirfarandi setningu (feitletrunin er ekki frá mér komin); Please remember auxiliaries*. They are very important in the grammar of English and you will be seeing a lot of them as you work through this course. Ég hef á tilfinningunni að það verði gaman að læra undir þetta próf og sennilega leyfi ég ykkur að njóta svona 'gullmola' með mér ;)
*hjálparsagnir
mætt í vinnu
þá er ég mætt í vinnuna, úrill að vanda, og tilbúin til þess að massa málfræðina. Reyndar giska ég á að dagurinn fari í það að reyna halda sér vakandi. Stuð á bókó.
Bókasafn Verzlunarskólans hefur kannski ekki opið allan sólarhringinn en vissulega á opinberum frídögum og frameftir á kvöldin.
Svo virðist 2 ára bloggafmæli mitt nálgast, þann 9.maí næstkomandi verða komin 2 ár, þó ekki samfleytt.
...for every dinner at 8, there's a reason to be late
frystikistan
Þórir, besta ráðið er náttla að fá sér endurskoðanda sem skellir vísakortinu barasta í frystinn! Ekki samt ráða þennan endurskoðanda, hann notar alltof litla poka sem auðvelt er að afþýða ;)
Annars er voða lítið af mér að frétta síðan seinnipartinn annað en enginn vildi koma og fá sér ís í góða veðrinu með mér svo ég settist bara út á svalir með reykelsi og bók. Gulli beib er reyndar búinn að bjóðast til að vera ísherrann minn næstkomandi þriðjudag þegar ég klára próf númer 2!
Fyrst verið að er að draga fólk í dilka eftir landsfjórðungum þá vil ég meina að ég haldi uppi merki meginlandsins, Vestmannaeyja, í bloggheimum!
eldskírn
VEI! Fyrsta prófinu lokið og ég er barasta nokkuð sátt við mína getu þar, þetta segi ég allavega þar til einkunnir verða birtar. Þar sem þetta var langþyngsta prófið, mesti lesturinn og flestar einingarnar, er hægt að anda aðeins léttar ;) Ég vil þakka Bjarna og Veru kærlega fyrir góðar hugsanir, þær hafa pottþétt komið að góðum notum áðan! En ég endurtek bara það sem ég sagði í gær, takmark kúrsins var að kynna amerískar bókmenntir og vonandi að fólk kynni að meta þær, ég hafði bara oftast nær gaman af próflestrinum og mun jafnvel glugga eitthvað í doðrantinn seinna. Takmarkinu náð, til hamingju Martin Regal, allavega einum nemanda fannst gaman, er hægt að biðja um meira?
örlagastundin
þá er ég búin að lesa allt sem á að lesa fyrir þetta blessaða próf (fyrir utan Walt Whitman en hver ætlaði að lesa hann svona yfirhöfuð???) og held ég sé bara nokkuð vel í stakk búin til að takast á við prófraun dagsins. Er ekki kvíðin fyrir að þekkja smásögurnar en ljóðin gætu vafist fyrir mér eins og að muna nú hvað sögurnar heita! Þess vegna verður farið í smá last minute glósugerð að hætti GB og vonandi að mér gangi betur í prófinu en þar. Wish me luck!!!!
jæja þá
þá er víst kominn tími á e-n lærdóm. Datt bara í hug að kasta fram pælingu dagsins; tilgangur náms er að fólk læri (+njóti) þess sem sett er fyrir og muni e-ð af því sem lesið hefur verið. Nú hef ég eytt undanförnum dögum í lestur og hef barasta haft gaman af og treysti mér til þess að hafa lært eitthvað plús að hafa ekki langað að rölta út í búð eftir kaðli svona yfirleitt. Á morgun ca. hálf-tvö verð ég að þreyta próf úr þessum lestri og sanna fyrir sjálfri mér og öðrum að ég geti lært þetta utanbókar eins og páfagaukur. Jú jú, ég hef stúdentspróf upp á slíkan utanbókarlestur en man ég eitthvað af því námsefni? ónei.....
jæja, nú hefur kæruleysið náð hámarki sínu! skrapp út í búð [ lesist: IKEA, Bónus, ÁTVR ] áðan og verslaði soldið [ lesist: mikið ]. Jarðaber og bjór voru helstu vörurnar og skal neyta fyrir framan imbann í kvöld yfir Secret Life of Us. Ég er núna á Hemingway á leslistanum og á enn nokkuð eftir en hver þarf yfirhöfuð að sofa nú á dögum? ekki ég. Síðan mega góðhjartaðir einstaklingar [ lesist: Jóhanna ] endilega bjóða mér glósur þar sem mínar eru ömurlegar. Takk fyrir og góðar stundir.
*geisp!*
þrátt fyrir miklar tilraunir til að vakna á óguðlegum tíma í morgun, þeas kl 7, til að geta klárað að lesa fyrir prófið á morgun tókst mér ekki að vakna fyrr en kl hálf-eitt. Var reyndar að lesa til rúmlega eitt í gærkvöldi eða þar til ég var að kúgast á þessari bókarskömm. Í nótt verður sennilega lítið sofið út af próf-complexum mínum sem kallast 'verð-að-lesa-efnið-tvisvar-yfir' og ég fer yfirum ef ég næ því ekki og sjénsinn að ég nái að lesa 1000 bls á 12 tímum! (Complexinn er nú samt sem áður til staðar og þ.e. bara vonandi að hann setjist ekki að í bakinu á mér eins og um jólin) Svo er spurningin hvernig fer með uppáhaldssjónvarpsþáttinn minn? Það er soldið með hann eins og fótboltaleiki hjá strákum, það er ekki hægt að taka hann upp! Tek mér sennilega smá sjónvarpspásu og fæ mér jafnvel bjór með, aðeins til að lífga námsefnið við.
Svo get ég ekki beðið eftir að fá ljósa hárið mitt aftur, ég er alveg að klepra á þessum skollituðu/gylltu lufsum. Annars er ég hrikalegu gelgjustuði núna, 80s Madonna og Kylie á fóninum!
Ég var að enda við að lesa virkilega virkilega góða grein [ via Unnur ] þar sem m.a. sjálfsmynd fólks, aðallega kvenna en á allt eins við karlmenn líka, var til umræðu.
Alveg skal ég trúa þessu uppá starfsmenn bókasafns Kópavogs því þetta hefði allt eins getað verið í Hafnarfirðinum! Ég hef bara aldrei, svo mig minni, unnið á jafn frábærum vinnustað og þar sem ég vinn núna (bæði söfnin). Afslappað andrúmsloft svona yfirleitt og góður vinnumórall sem ekki er hægt að meta til fjár. Jú, vissulega er langt að fara og launin eru bara í meðallagi en áðurnefnd atriði vega svo sannarlega upp á móti því. Að vakna og bölva því ekki í sand og ösku að þurfa mæta í vinnuna er ágætis tilfinning og stuðlar að betri/meiri vinnu af minni hálfu. Það er bara stuð að vinna á bókasafni!
enginn ljóðaupplestur í dag takk fyrir!
þar sem ég fékk engin viðbrögð við bón minni í dag um að fá félagsskap á ljóðaupplestur í Hinu Húsinu var ég bara heima og las Henry James í staðinn. Eftir 2 klst lestur af 10 pt letri er ég farin að sjá allt tvöfalt og þarf að píra augun ef ég vil sjá e-ð skýrt, alveg sama hvort það er texti eða bara nánasta umhverfi. Er nú samt farin að fíla þessa bók mun betur en í upphafi vega, ótrúlegt en satt. Mér finnst að bókmenntir ættu að vera skylda í HÍ eins og Fílan, þetta gefur fólki nasasjón af hinum ýmsustu rithöfundum og stefnum, svona eins og 'smakk' í Hagkaup, og gerir manni kleift að meta klassískar bókmenntir.
Ég elska Arthur's Theme úr samnefndri mynd (sem var bara snilld!!!) ...if you get caught between the moon and NY city, the best that you can do is fall in love...
bjartsýni
áðan fékk ég símtal frá afskaplega bjartsýnum manni. Mál málanna er að á föstudag er próf í Amerískum Bókmenntum og leslistinn er ekkert grín, viðbrögð okkar urðu nánast jafn mögnuð og viðbrögð 10.bekkinga við samræmdu próf í stærðfræði ;) En það þýðir lítið að væla og skella sér frekar í lestur. Allavega, í morgun hringdi Rafn (sp?) í mig, drengur sem greinilega er með mér í tímum, og var að spá í hvar leslistann væri að finna eða hvort ég gæti sagt honum hverjir yrðu til prófs. Það var ekkert sjálfsagðara en að aðstoða manninn en að sama skapi óska ég honum góðs gengis að vera byrja lesa núna. Og hver ætli Rafn sé???
og þetta blessaða væl yfir samræmdu prófi í stærðfræði finnst mér hálf skoplegt, sama var uppi á tengingnum þegar ég tók samræmdu prófin og mér fannst það nákvæmlega ekkert erfiðara heldur en önnur próf enda fékk ég sömu einkunn í þeim flestum, rétt tosaðist upp í 7,5. Sannleikurinn er bara sá að þessi blessuðu samræmdu próf skipta nákvæmlega engu máli fyrir krakkana, þetta er bara hálfgerð mælistika yfir kennslu í skólum og ég gat ekki séð að árangur á þessum prófum skipti miklu fyrir inntöku í framhaldsskóla (nema um fall væri að ræða) og var ég þó í Verzló þar sem þetta á að skipta máli.
Síðan er spurning hvort maður taki þátt í e-m 1.maí hátíðahöldum sem verðlaun fyrir að hafa klárað Huck Finn í gær og fyrirhuguð duglegheit í dag?
- Martin Luther King, Jr. |
fishtanked
thistothat
hello, my name is scott
the british museum compass
official mah-jong rules
anne...straight from the hip
lomography
young reykjavik
the osbournes
nicola cerini
all about hugh
jackman's landing
mrs.parker
prolific
thrift deluxe