...syngja þeir félagarnir í Travis. Ég fjárfesti einmitt í þessum disk fyrir jól og finnst bara helv.. góður. Sérstaklega þó lög 1,3,5 og 9.
Ég fór í handsnyrtinguna í morgun og ó mæ gad, þetta er e-ð sem ég að gera aftur og aftur og aftur! Bara verst að þetta tók allan morguninn. Ég var náttla nærri búin að sofa þetta af mér en hélt ég næði strætó. Svo bíð ég bíð eftir strætó í kuldanum í morgun og á endanum fór ég að skoða leiðaplanið og þá gengur helv vagninn ekki nema á klst fresti eftir kl 9! Þannig að ég endaði með því að taka leigubíl upp eftir til að vera ekki alltof sein. Þegar yfirhalningunni var svo lokið tók það mig klst að komast aftur niður í menninguna. Þegar heim var komið var ég svo kalin á höndum og fótum vegna þess að ég klæði mig ekki eftir veðri og hef aldrei gert, spyrjiði bara mömmu! [ég veit ég á að fara í úlpu út og með húfu en....]
Rétt áðan var verið að bjóða mér í handsnyrtingu í fyrramálið! Og hvað ætli ég hafi sagt? Jess plííís. Annars hef ég verið að browsa EastEnders vef BBC í allt kvöld. Ég er gjörsamlega orðin hooked á þessa þætti enda týpískt fórnarlamb day time television. Ég sá þá fyrst á RÚV fyrir trilljón árum og fannst ekkert spes en datt svo niður á þá e-n tímann fyrir jól á þynnku sunnudegi. Ég hef ekki mátt missa af þætti síðan. Og á meðan Charmed er ekki á dagskrá þá eru þetta langbestu þættirnir í sjónvarpinu ;)
kalt
Það er alveg geðsjúklega kalt úti! Ég var greinilega í e-u bjartsýniskasti (eins og reyndar alla daga undanfarið) í morgun því ég ákvað að labba í skólann á flíspeysu! Engin húfa og engin úlpa! Brrr...
Í dag var Amerísk Menningarsaga með Magnúsi Fjalldal á dagskrá og djísús hvað maðurinn er e-ð spes. Ég man ekki hvort ég var búin að minnast á hann hérna áður en það splittar ekki diff (lovely 80s slang). Maðurinn er að reyna að vera með svona "amrískan" hreim og það er ekki að gera sig. Ameríkanar bæta oft svona "m" hljóði á milli setninga en Magnús Fjalldal segir "amm" með þessum líka fína íslenska framburði. Tímarnir hjá honum er því frekar fyndnir en soldið í leiðinlegri kantinum. Í hléinu þá vorum við flest sammála um að ef þessir kúrsar sem kenndir eru á vorönn hefðu verið á haustönn hefðum við sennilega öll hætt. Það var bara SVO gaman fyrir jól en núna eru flestallir kúrsarnir svo leiðinlegir að þ.e. ekki fyndið. Síðan var ég að fá hugmynd sem ég ætla aðeins að melta með mér áður en ég deili henni með fjöldanum. Ef henni verður hrint í framkvæmd verð ég nefnilega að éta ofan í mig miður skemmtilega hluti sem ég lét út úr mér í haust. Kemur í ljós.
...er hugsanlega mest cool karakter ever! Mér finnst of lítið af svoleiðis gæjum í Reykjavík. Síðan er þorrablót á föstudag! Spurning hvort það sé sniðugt að úða í sig hákarli og öðrum þorramat áður en haldið er út á lífið?
Sumt hérna er virkilega flott! Annað lítur reyndar út eins og verksmiðjugölluð barnaleikföng [ via podular.net ]
A pink lady for the lady
Ég sver að ég tók testið bara einu sinni!
Which drink are you?
Ágúst gleymir einu í þessum líka langa pistli sínum og það er réttur feðra í þessu máli. Það er ekki baráttumál kvenna að konur fái að taka þessa ákvörðun aleinar enda þurfa nú yfirleitt tveir aðilar að koma saman til þess að getnaður eigi sér stað. Að mínu mati vilja þær konur sem íhuga fóstureyðingu að faðirinn (nema að sjálfsögðu fóstureyðing sé framkvæmd eftir nauðgun) vilji taka þátt í þessari ákvarðanatöku. Ekki fá að heyra að hún ráði þessu alveg sjálf. Þetta kemur vissulega meira við konuna þar sem hún þarf að ganga með barnið en hún á það samt sem áður ekki ein. Það vill bara því miður svo oft brenna við að þessi ákvörðun(ásamt svo margt annað í svipuðum dúr) lendir oftast á henni einni. Þó svo að fóstureyðing eigi fullkomlega rétt á sér þá er þetta mál tveggja einstaklinga og finnst mér þetta ekki flokkast undir kvenréttindi heldur mannréttindi.
Ætliði það sé e-ð sem flokkast undir tilviljanir? Er þetta ekki allt saman fyrirfram ákveðið og okkur líði bara betur ef við köllum þetta og hitt tilviljanir? Var að horfa á Four Weddings and a Funeral og þessi mynd er alltaf jafn góð!
A fish called Wanda
Brilljant kvikmynd! Þegar Michael Palin er að reyna stúta gömlu kellíngunni en drepur hundana hennar í staðinn er bara pjúra sniglld!
Mér var bent á þessa síðu í dag. Fyrir aðra en emmerr-inga er þetta óttalegt rugl en ég efast ekki um að mér fyndist þetta sniðugt ef ég kynni bofs í latínu. Það er samt ótrúlega fyndið hvað Ísland er ogguponsu lítið land (og enn minna þjóðfélag!)
Það er alveg ótrúlegt hvað það er hægt að koma mörgum klisjum að í einu samtali, ok að vísu 3ja tíma löngu en samt! Ég nota að vísu alveg endalaus mörg orðatiltæki o.s.frv. þegar ég tala en það er fyndið þegar maður tekur eftir því sjálfur að kannski ætti maður að sleppa svona þriðja hverju til þess að hljóma ekki eins og fífl.
Hvað á maður svo að gera í kvöld? Ég er svosum alveg í stuði fyrir svona semi-djamm, spjall inni á e-m bar með bjór í hendi
keila
Farið var í diskókeilu eftir ófarir gærdagsins og átti Team Sigga þar stórleik! Við urðum í öðru sæti í fyrstu umferð en lögðum síðan ofuráherslu á vörn í seinni umferð og gleymdum alveg sóknarleiknum. Go Team Sigga!!!
sorg
Stundum lendir gott fólk í slæmum hlutum. Það virðist vera mottóið þessa daganna.
Hérna er eitthvað sem kallast Friday Five:
1. What cologne or perfume do you wear? Held það heiti Ralph frá Ralph Lauren, er í svona lítilli glærri og blágrænni flösku.
2. What cologne or perfume do you like best on the opposite sex? Ég fæ ofsalega fljótt ógeð á rakspírum/karlailmvötnum en Envy frá Gucci er í uppáhaldi þessa daganna.
3. What one smell can you not stomach? blöndu af CK one og sígarettureyk, ég verð bílveik ef ég finn þessa lykt
4.What smell do you like that others might consider weird? veit ekki um neina
5. How do you plan to spend your weekend? Ætlunin var að djamma en það fór á annan veg. Síðan bara læra og vinna.
Var að koma úr endajaxlatöku og ennþá hefur allt gengið vel. Allur munnurinn á mér er dofinn og hljóma ég skuggalega líkt Fez í That Seventies Show. Mér finnst varirnar á mér líka óhugnalega stórar og tungan sömuleiðis. Þegar jaxl nr.1 var horfinn spurði tannsi mig hvort ég vildi spara pening og láta taka hinn efri jaxlinn líka. Mér fannst nú ekki mikið mál fyrst ég var á annað borð komin í stólinn og deyfð niður að öxlum, að sitja aðeins lengur og spara pening á þessum síðustu og verstu tímum. Mér fannst bara merkilegt að hann þyrði að setja hendurnar upp í munninn á mér aftur þar sem ég beit hann all harkalega, skildi eftir þessi líka myndarlegu tannaför í puttunum á honum! Svo var líka gaman að sjá hann dilla sér og syngja með e-u 80's lagi sem var í útvarpinu! Þetta gekk því vonum framar.
Um daginn áttaði ég mig á svolítið undarlegri staðreynd: Flestir af þeim karlmönnum/drengjum sem ég hef átt í e-s konar sambandi við í gegnum tíðina eru (síðast þegar ég vissi) í dópi. Einn hef ég ekki hitt í mörg mörg ár eða þar til hann flutti í næsta stigagang við Óla og því veit ég ekkert hvað hann er að gera. Þannig að aðeins 2 virðast ekki vera í dópi. Því spyr ég: Er ég fíkniefnadjöfullinn eða hef ég bara mjög einfaldan smekk?
endajaxlar
Í gær fór einn af endajöxlunum mínum að angra mig virkilega, kinnin á mér er svo hrikalega aum núna að þ.e. ekki fyndið! Þannig að á morgun kl 9:00 á að fjarlægja hann. Ég er alveg að deyja úr stressi, þ.e. svo týpískt ég að allt fokkist upp! T.d. að námslánin fóru inn á vitlausan reikning og þau finnast ekki....er þetta eðlilegt? ég bara spyr.
Ég sá undarlega auglýsingu í dag utan á strætó. Þar stóð: Manchester Utd. 6 Liverpool 0 með stórum hvítum stöfum á rauðum grunni. OK, svo kíkti ég í Moggann og sá að þau eiga að keppa í dag en ekki segja mér af e-r hafi keypt auglýsingu utan á strætó fyrir þetta?
magnað
Ég geri það svona einu sinni á ári að taka til í ísskápnum mínum. Ísskápurinn minn er enginn venjulegur ísskápur heldur skærgrænn, heldur engu köldu og geymir vídjóspólur, gamalt skóladót, gömul vogue blöð og annað drasl sem er hent þangað inn þegar verið er "að taka til." Ég tók þá drastísku ákvörðun að henda öllum gömlu vogue blöðunum í næsta endurvinnslugám og fá þá pláss fyrir jólaskrautið sem kemst hvergi annars staðar fyrir. Enn á ég eftir að finna pláss fyrir jólatréð því er nú verr og miður. Það kom ýmislegt í ljós í þessari tiltekt eins og t.d. stúdentsprófsskírteini sem ekki tilheyrir mér (ásamt Verzlunarprófsskírteini). Á sama tíma fór faðir minn e-ð að róta í geymslunni (einni af mörgum þ.e.a.s) og fann gömul nestisbox sem einnig tilheyra þessari fjölskyldu ekki. Verra var að nestið var ennþá í boxunum.
Mikið óskaplega var ég óánægð með fyrsta þáttinn af Practice í gær! Þetta var ekkert framhald af síðasta þættinum, bara e-ð rugl um kakkalakka-fetish o.s.frv.
Nú er mánudagur, fyrsti dagur vikunnar. Þynnkan loks farin og kominn tími til að gera e-ð af viti, eða hvað? Afrek síðustu vikur voru þau að ég skráði mig úr Fílunni og keypti mér hárblásara. Það sem ég er svo stoltust af: að hafa blásið hárið á mér slétt og flott á laugardag!! Það eina sem kemst nálægt skó-ástríðu minni er hárið á mér sem hefur pirrað mig svo árum saman, er hvorki krullað né slétt! Ég er því talsvert ánægð með mig á þessari stundu ;)
Ég er endalaust búin að vera velta því fyrir mér af hverju sumir hlutir gerast, sumir bara eru einfaldlega seinheppnari en aðrir. Mér finnst t.d. mjög ósanngjarnt að vera drullu þunn í dag án þess að hafa orðið neitt almenninlega drukkin í gærkvöldi. Maginn á mér virðist e-ð óánægður með staðsetninguna og er á sífelldri hreyfingu. Það er ekki gott. Svo er sunnudagur í dag og það er versti dagur vikunnar. Ég hata sunnudaga.
dans
Eins og margir hafa nefnt þá var annar fundur Egils Guðmundssonar haldin í gærkvöldi við misgóðar undirtektir. Þessi fundur var ekki nærri því eins vel heppnaður og fundur nr. 1 enda einn í fýlu, annar á bíl og tvö að reyna drekka bjór. Ég held ég neyðist til þess að taka upp hanskann fyrir dansjöfur kvöldsins þar sem ótrúlegustu menn virðast mjög uppteknir af danstöktunum og finna þeim allt til foráttu! Mér fannst nú bara gaman að vera boðið upp í dans, herramennskan greinilega ekki alveg útdauð í Framsókn;) En að hinir tveir þykist hafa efni á því að gagnrýna danshæfileika kemur nú úr hörðustu átt! Hann bauð mér þó allavega upp í dans sem er meira en þið tveir gerðuð.
Ég fór í Fíluna áðan og hef bara eitt um það að segja: ÚFF! Stofa 301 í Árnagarði var stútfull og meðal annars voru þessir vanalegu besserwisserar sem þykjast vita allt um allt&alla en vita í raun ekki neitt. Síðan var einn svolítið spes einstaklingur þarna. Það vantar örugglega þónokkrar bls í hann og það kæmi mér ekkert á óvart þó svo að hann væri einn af þessu "special people." Hann var stanslaust talandi og spyrjandi kennarann hvort þetta og hitt væri ekki rétt hjá sér, gera athugasemdir varðandi stafsetninguna á glærunum og vildi helst alltaf svara öllum spurningum, hvort sem kennarinn bar þær upp eða nemandi. Hann lífgaði svo sannarlega upp á mjög svo leiðinlegan tíma. 4 tímar á viku eiga eftir að ganga af mér dauðri.
Ég er mjög hrædd um að vorönnin eigi eftir að vera svo grútleiðinleg að þ.e. ekki fyndið! Eins og það var nú gaman fyrir jól. Mér hefur sýnst að aðeins einn kennari sé ágætur, hinir eru hryllingur. Sama má segja um kúrsana. Amerískar bókmenntir og Amerísk menningarsaga verða sennilega það sem heldur mér á lífi fram á vor. Síðan eru Composition II, Ensk Málfræði, Ensk Málssaga, Fílan! Hjálp.
Þess má einnig geta að Verzló sigraði Borgó í gær! Vei fyrir því.
Loksins er ég búin að dröslast á fætur en mikið asskoti var það erfitt. Þegar maður þarf allt í einu að mæta á misjöfnum tímum í skólann fer svefnkerfið alveg í fokk. Mig dreymdi líka mestu vitleysu ever en ég ætla ekki að rekja draumfarir mínar hér. Ég nennti, ótrúlegt en satt, niður í Hlöðu í gær og tók nokkrar skólabækur til að ljósrita en keypti svo einn Norton doðrant sem er hálfgerð skyldueign. Ég er svo óánægð með stundatöfluna mína! Að þurfa vera í Lögbergi meirihlutann í nær öllum kúrsum nær engri átt! Þetta er versta hús í geymi punktur. Hvað er að því að hafa borð og stól aðskilið?
Á dagskrá í dag er svo Amerískar Bókmenntir hjá honum Martin Regal og svo ömurlegasti kúrs ever, Composition II hjá Heisler. Í kvöld verður svo ferð upp í Útvarpshús að horfa á viðureign Verzló og Borgó í GB.
Þetta var nú varla þess virði að rembast niður eftir! Leiðindakennari og leiðindafag. Nú er spurningin sú hvort maður nenni niður á Hlöðu og svo í bóksöluna?
Læknisheimsókn
Í morgun fór ég til læknisins míns út af bakveseninu sem mér hefur verið tíðrætt um hér. Hluti af heimsókninni var að fara í blóðprufu sem ég hélt að ætti ekki að verða neitt vesen, allavega miðað við fyrri blóðprufur. Ég er svo til nýsest í stólinn og nálin varla komin inn í handlegginn þegar ég verð öll slöpp og það leið næstum því yfir mig. Það er svosum ekki svo óalgengt með mig en framkoma meinatæknisins fannst mér fyrir neðan allar hellur! Hún æsti sig heil ósköp yfir því að ég lét hana ekki vita að ég ætti til að falla í yfirlið. Það er ekki eins og þetta sé daglegur viðburður þó svo að þetta hafi komið nokkrum sinnum fyrir mig og ég hef nokkrum sinnum farið í blóðprufu áður og það var allt í þessu fína. Þannig að nú er ég með skemmtileg göt á báðum handleggjum og nokkrum pottum af blóði fátækari. En ég þarf á öllu mínu litla blóði að halda og m.a. þess vegna má ég ekki gefa blóð. Núna ætla ég að fara í skólann, fyrsti skóladagurinn á nýju ári!
Í gær horfði ég með öðru auganu á endursýningu á Þættinum og upplifði þá alveg óhugnanlegt déjavú! Það var verið að lesa upp úr leikritinu Fyrst er að fæðast (e-ð svoleiðis) og farið var með samtal sem var í öllum atriðum eins og sársaukafyllsta samtal ævi minnar! Þetta var mjög svo óhugnanlegt, vægast sagt!
Ætti maður að byggja eigið sjálfsmat (e-ð vitlaust við þessa setningu) á þessum on-line prófum? Ef svo er á ég við ákafleg vandamál að stríða!
  |
Þá eru jólin komin og farin einu sinni enn.
Ég dett alltaf í voða djúpar framtíðarpælingar í byrjun nýs árs og árið 2002 (ég skrifa pottþétt 2001 áfram, er soldið slow on the uptake) er engin undantekning. Á maður að vinna og safna sér smám saman fyrir íbúð eða á maður að eyða laununum í svona hluti sem maður gerir ekki þegar árin fara að færast yfir, eins og t.d. að skella sér til útlandsins og athuga hvernig maður fílar sig þar? Svo er það skólinn sem er ofsalega skemmtilegur en langar mig að vinna við þetta? Það eru aðrir hlutir sem hafa blundað í mér frá barnæsku sem toga soldið í mann. Ég er alltaf jafn gáttuð af hverju við fáum ekki bara lífsplanið útprentað við fæðingu! Þannig er allt svo öruggt og ekkert kemur á óvart. Ég hugsa að maður myndi nýta tímann betur ef maður vissi t.d. að þann 15.júlí 2010 myndi maður lenda í bílslysi, og þar með væri þessu lífi lokið, að hver dagur yrði dýrmætari í huga manns. Á móti kemur að maður yrði kannski fyrir vonbrigðum með að eiga ekkert annað í vændum en leiðindastarfið sem átti að verða tímabundið, skítlega litla íbúð og einn kött!
Take the Which Beatle Are You? Quiz.
Athugavert að bera niðurstöðurnar úr síðustu 2 prófum saman...
Take the What Should Your New Year's Resolution Be? Quiz
 | You are passionate about what you want out of life, and some have even described you as coarse. But deep down inside you have a good heart and that's all that matters. Actually...all that really matters is that your boyfriend is Brodie! |
afmælisgaspur
Frá og með deginum í dag er ég 21 árs og það styttist óðum í ellilífeyrinn! Þið megið alveg fara að hringja til að óska mér til hamingju með daginn þið týndu sauðir sem eigið að heita vinir og kunningjar, e-mail má duga en hann verður að senda í dag. Ég ætla ekki að koma með 12 síðan lista yfir þetta-og-hitt-árins-2001 enda fáránlegt. Mogginn, sjónvarpsstöðvarnar og fleiri fjölmiðlar gera þetta og það er alveg komið nóg af þessu! Áramótaheit ársins: Hugsa ekki um neinn annan en sjálfa mig..and fuck the rest ;)
- Albert Schweitzer |
sykurmolarnir.com
toyboys better in bed?
orkneyjar.com
scottish blogs
ipod lounge
eat and drink and be married
...
male librarian
beeep.net
minderella
mike's place - lovely
i hate your taste in music
mash
ok ok
irish girl abraod
tokyo shoes
wnp?'s blogroll
barrettchase.com
modern drunkard magazine
áróðursplaköt
eccentric london
100% onomatopoeic language
japanese onomatopoeia
jasmine aurora
london free list
gusset
thorir.com
melbourneblogs
paperbackwriter
franki & jonny alan clarke
a stain on the country is worse than a stain on a blue dress
þeir lugu en það er engin afsökun
lucky stars
house of wigs
soviet invasion plan
20 questions
what's your bag baby?
retail junky
are you going to heaven?
voodoo
what's new pussycat?
is it love?
scary ass clowns!
ouija-boards
s-g i can get on board with!
reusablog
mef
sketchbook
ei-ei-o
digital serendipity
summer ideas
national bbq day
how to: jamaican party
sew wrong
silke 6
not martha
what mother's son
knitty.com
drunken ferry boat woman
fishtanked
thistothat
hello, my name is scott
the british museum compass
official mah-jong rules
anne...straight from the hip
lomography
young reykjavik
the osbournes
nicola cerini
all about hugh
jackman's landing
mrs.parker
prolific
thrift deluxe
